સુરત: અહીં ગણપતિ દાદાની પૂજા કરવાથી ઘરે જલ્દી બંધાય છે પારણું

હાલ દેશભરમાં ગણેશ ઉત્સવની ધામધૂમથી ઉજવણી થઇ રહી છે. લોકો ઘરમાં પણ ગણપતિદાદાની પૂજા અર્ચના ભક્તિભાવથી કરતાં હોય છે. આ અનેરા ઉત્સવમાં આપણે સુરતના આંકડાના ગણપતિની વાત કરીએ. સુરતના એક ઘરમાં સફેદ આકડાના મૂળના ગણપતિ દાદા છે. દૂર દૂરથી લોકો તેમની પૂજા કરવા અહીં આવે છે.

સુરતના અડાજણ વિસ્તારમાં આવેલી ગિરધર પાર્ક સોસાયટીમાં આ ગણપતિ દાદનું મંદિર આવેલું છે.

આ ગણપતિની પૂજા કરવા માટે આખા દૂર દૂરથી અહીં આવે છે. અહીંના પૂજારી પ્રમાણે આંકડાના ગણપતિની પૂજા માટે માત્ર હિંદુઓ જ નથી આવતાં તેમની સાથે પારસી અને સાઉથ ઇન્ડિયન લોકો પણ પોતાની માનતા રાખવા આવે છે.

ભક્તોનું માનવું છે કે અહીં તેમની દરેક માનતા પુરી થાય છે. એવા પણ ઘણાં દાખલા છે કે જેમનાં ઘરમાં લગ્નનાં 10થી 20 વર્ષે પણ પારણું ન બંધાયું હોય તેવા ઘરે પણ અહીંની માનતા રાખીને ઘરે પારણું બંધાય છે.

અડાજણ વિસ્તારમાં રહેતા મહેતા પરિવારના ઘરે આ મંદિર આવેલું છે. આ પ્રતિમા આશરે 200 વર્ષ પહેલા મહેતા પરિવારને કચ્છનાં એક સાધુએ આપી હતી.

<br />માનવામાં આવે છે કે આવા ગણપતિની રોજ પૂજા કરવામાં આવે તો ઘરમાં સુખ-સમૃદ્ધિ બની રહે છે.