સુરત : કાપડના વેપારીઓએ તમિલનાડુના વેપારીને અર્ધનગ્ન કરી બજારમાં ફેરવ્યો, Viral તસવીરો

કિર્તેશ પટેલ, સુરત : સુરતના (Surat) રિંગરોડ (Ring Road) પર આવેલા કાપડ બજારમાં (Textile Markert) એક વેપારીને અર્ધનગ્ન (Striped Businessman) હાલતમાં હાથમાં પહેરવાના વિડિયો સોશિયલ મીડિયામાં વાઇરલ (Viral Video) થતાં ચકચાર મચી જવા પામી હતી જોકે આ વેપારીના લાંબા સમયથી સુરતના વેપારીઓને માલ ખરીદીને રૂપિયા આપવાના બાકી હતા જેને લઈને વેપારી સુરત આવતા સુરતના વેપારીઓએ આ પ્રકારનું કૃત્ય કર્યું હોવાની વિગતો સામે આવી રહી છે જોકે વીડિયો વાયરલ થતાં ની સાથે જ વેપારીઓ સામે લોકોમાં રોષ ભભૂકી ઉઠયો છે.

સુરતના રિંગરોડ પર આવેલા કાપડ બજારમાં તો આખા દેશના વેપારીઓ ખરીદી કરવા આવે છે પણ છેલ્લા ૧૮ મહિનાથી જે પ્રકારે કોરોનાની મહામારી ને લઈને માલ ખરીદીને વેપારીઓ પણ રૂપિયા ચૂકવી શકે તેવી હાલતમાં નથી ત્યારે તામિલનાડુનો એક વેપારી ગઈકાલે સુરતના કાપડ બજારમાં ખરીદી કરવા માટે આવ્યો હતો.

જોકે આ વેપારીના લાંબા સમયથી સુરતના વેપારીને આપવાના રૂપિયા બાકી હતા. જોકે, આ વેપારી હાથમાં આવી જતાં સુરતના વેપારીઓએ તમામ હદો વટાવી હતી અને આ વેપારીને અર્ધ નગ્ન કરી કમરથી નીચેના ભાગે સાડી પહેરાવી અર્ધનગ્ન હાલતમાં હાથમાં ચોરના પોસ્ટર સાથે સુરતની બજારમાં ફેરવ્યો હતો.

આ વીડિયો સોશિયલ મીડિયામાં વાઇરલ થતાંની સાથે જ સુરતના કાપડ બજારના વેપારીઓ સામે રોષ ભભૂકી ઉઠયો હતો કારણ કે આ પ્રકારના કૃત્યોને લઈને લોકોએ રોષની લાગણી વ્યક્ત કરી હતી કોઇપણ વેપારી પાસેથી પૈસા લેવાના નીકળતા હોય તો આ મામલે પોલીસ ફરિયાદ કરે આ પ્રકારનું કૃત્ય કરી કોઈ વેપારીને બદનામ કરવાનો પ્રયાસ કરવામાં આવે તે યોગ્ય નથી.

દરમિયાન આ વીડિયો વાયરલ થતાં ની સાથે સુરતની સલાબતપુરા પોલીસના હાથમાં વિડીયો લાગ્યો તો જેને લઇને પોલીસે આ મામલે ગુનો દાખલ કરી તપાસ ના ચક્રો ગતિમાન કર્યા છે.