OMG love story! સુરતઃ નાનપણની પ્રેમિકાને યુવક ભગાડી ગયો, યુવકની પ્રેમ કહાની સાંભળી પોલીસ પણ ચોંકી ગઈ

કિર્તેશ પટેલ, સુરતઃ સુરતમાં અજબ પ્રેમની ગજબ (OMG love story) કહાનીમાં પ્રેમી યુવકને પોલીસે બળાત્કાર અને પોકસો (rape and pocso) હેઠળ ધરપકડ કરી કાયદેસરની કાર્યવાહી હાથધરી હતી. આરોપી યુવક યુવતીને વતનમાં નાનપણથી પ્રેમ (childhood love) કરતો હતો. યુવતી સુરત પરિવાર સાથે રહેવા આવતા પ્રેમી યુવક યુવતીને ભગાડીને લગ્ન (love marriage) કરી લીધા હતા. જોકે પકડાયેલો આરોપી નગરપાલિકામાં કર્મચારી તરીકે ફરજ બજાવતો હતો.

સુરતમાં સતત નાની બાળાઓને લગ્નની લાલચ આપીને ભગાડી ગયા બાદ તેની સાથે બળાત્કાર કરતા હોવાની ઘટનાઓ પોલીસ મથકે નોંધાતી હોય છે. ત્યારે આજરોજ સુરત પોલીસે આવા જ એક પ્રેમી યુવકને ઝડપી પાડી તેના વિરુદ્ધ કાયદેસરની કાર્યવાહી કરી હતી.

પકડાયેલો પ્રેમી યુવકની અજબ પ્રેમની ગજબ કહાની સાંભળી પોલીસ પણ એક સમય માટે ચોંકી ઉઠી હતી. સૌરાષ્ટ્ર મહુવા ખાતે રહેતા યુવક મહાનગરપાલિકામાં જ ફરજ બજાવે છે પોતાના મનમાં રહેતી એક યુવતી સાથે નાનપણથી જ તેને આંખ મળી જતાં પ્રેમસંબંધ બંધાયો હતો.

જોકે આ યુવતીનો પરિવાર રોજીરોટીની શોધમાં સુરતના ડિંડોલી વિસ્તારમાં આવી લાંબા સમયથી વસેલો હતો. યુવતીના પરિવાર દ્વારા યુવતીને પ્રેમ કરતો હતો તે યુવતી સાથે લગ્ન કરવા માટે પરિવારે અનેક વગર લગ્ન પ્રસ્તાવ મોકલ્યા હતા પણ યુવતીનો પરિવાર લગ્ન માટે તૈયાર થતું નહોતું અને આ બંને પ્રેમ સંબંધ તોડવા માટેના સતત પ્રયાસો કરતા હતા.

જેને લઈને ગયા મહિનાની ત્રીજી તારીકે મહુવા ખાતેથી યુવક સુરત ખાતે આવ્યો હતો અને પોતાની નાનપણની પ્રેમિકાએ કિશોરીને લગ્નની લાલચ આપીને ભગાડી ગયો હતો જોકે આ ઘટના બાદ કિશોરીના પરિવાર દ્વારા ફરિયાદ નોંધાવવામાં આવી હતી. પોલીસે આ મામલે ગુનો દાખલ કરીને પ્રેમ યુવકની શોધખોળ શરૂ કરી હતી.

ત્યારે આજરોજ ડિંડોલી પોલીસ યુવકને અને યુવતીને સાહેબ નજીકથી ઝડપી પાડયા હતા. જોકે યુવતીની ઉંમર 16 વર્ષની હોવાને લઈને પરીવારે યુવક વિરુદ્ધ બળાત્કાર અને પોકસો હેઠળ ફરિયાદ નોંધાવી હતી. જેને આધારે પોલીસે તેની ધરપકડ કરી તેના વિરુદ્ધ કાયદેસરની કાર્યવાહી કરી વધુ તપાસ શરૂ કરી છે.