સુરત: ખુશીનો પ્રસંગ માતમમાં ફેરવાયો, ડીજેમાં મિત્રો સાથે નાચી રહેલા વરરાજાનું અચાનક થયુ મોત

કેતન પટેલ, સુરત: જિલ્લાના માંડવી (Mandavi) તાલુકાના અરેઠ ગામમાં અરેરાટી વ્યાપી ગઇ છે. આ ગામમાં ચૌધરી પરિવારમાં લગ્નનો પ્રસંગ હતો. મિતેશ ચૌધરી (Mitesh Chaudhry) નામના યુવકની જાન જવાની હતી. રાતે ડીજે સાથે રાસ ગરબાનો કાર્યક્રમ યોજાયો હતો. જેમાં વરરાજા તેના મિત્રો સાથે નાચી રહ્યા હતા.દરમિયાન વરરાજા મિતેશને અચાનક છાતીમાં દુખાવો થતા સરકારી હોસ્પિટલમાં લઇ જવામાં આવ્યો હતો. જ્યાં વરરાજાનું (Groom death) સારવાર દરમિયાન મોત નીપજ્યુ હતુ.

ગામમાં વરરાજાના ઘરે ઘરે રાખેલા મંડપ મુહૂર્ત પ્રસંગે નાચતા યુવાનને અચાનક છાંતીમાં દુખાવો ઉપડતા સારવાર દરમિયાન મોત નીપજ્યું હતુ. પરિવારમાં હર્ષનો માહોલ શોકમાં બદલાઇ ગયો હતો યુવાનના વરઘોડાની જગ્યાએ સ્મશાનયાત્રા નીકળતા ભારે ગમગીની ફેલાઈ ગઈ હતી.

આ અંગે મળતી માહિતી પ્રમાણે, રાત્રે જમવાની વિધિ પૂર્ણ થઈ હતી જે બાદમાં લગ્ન મંડપનું મુહૂર્તની વિધિ કરવામાં આવી હતી. આ વિધિ બાદ રાત્રે ડીજે સાથે રાસનો પ્રોગ્રામ રાખ્યો હતો.

આ સમયે વરરાજા પોતાના મિત્રો સાથે ડીજેના તાલે નાચી રહ્યા હતા. તેવામાં એક મિત્ર તેમને ખભા પર ઊંચકીને ડાન્સ કરી રહ્યા હતા. વરરાજા પણ ખુબ જ ઉત્સાહમાં આવીને ડાન્સ કરી રહ્યા હતા. પણ એકાએક વરરાજાને છાતીમાં દુઃખાવો થયો હતો.

જે બાદ વરરાજાને અરેઠ સરકારી હોસ્પિટલ લઈ જવામાં આવ્યો હતો. જે બાદ વરરાજાને બારડોલી ખાતે સરદાર હોસ્પિટલમાં રિફર કરાતાં ત્યાં ખસેડવામાં આવ્યો હતો. અને સારવાર દરમિયાન યુવકનું મોત નિપજ્યું હતું.

વરરાજાનું અચાનક મોત થતા પરિવારમાં ભારે શોકનો માહોલ છવાઇ ગયો હતો. હર્ષનો પ્રસંગ માતમમાં છવાયો હતો. લગ્ન ગીતોને બદલે મરણ ગીતો ગાવાનો વારો આવતા પરિવારના આંસુ રોકાવવાનું નામ નથી લઇ રહ્યા