સુરત : કેજરીવાલ મીલમાં અકસ્માત, ચામડી બાળી નાખતું ગરમ પાણી પડતા 6 મજૂરો દાઝ્યા

કેતન પટેલ, સુરત : સુરત જિલ્લાના પલસાણામાં અનેક ઈન્ડસ્ટ્રીઝ કાર્યરત છે. આમ તો આ ઈન્ડસ્ટ્રીઝ સ્થાનિક અને પરપ્રાંતીયો માટે મોટી રોજગારીનું સર્જન કરે છે પરંતુ જ્યારે જ્યારે અકસ્માત થાય છે ત્યારે ત્યારે મજૂરોની દશા પણ માઠી કરી નાખે છે. જોકે, આજે આવી જ એક કરૂણ ઘટના કેજરીવાલ ઈન્ડસ્ટ્રીઝમાં ઘટી હતી. જેમાં ચામ઼ડી બાળી નાખતું ઘગઘખતું પાણી મજૂરો પર ખાબકતા છ મજૂરો દાઝ્યા હતા.

સુરત જિલ્લાના પલસાણા તાલુકાના તાતીથૈયા ગામે આવેલ ઇન્ડસ્ટ્રીયલ મિલમાં ગરમ પાણીનું ઢાંકણું ખુલી જતા 6 કામદારો ડાજ્યા હતા. તમામને હોપીટલમાં સારવાર અર્થે ખસેડાયા હતા જ્યાં 2 કામદારોને સારવાર ની જરૂર ન હોઈ રજા અપાઈ હતી. જોકે 4 કામદારો હજુ સારવાર હેઠળ છે.

સુરત જિલ્લામાં સૌથી મોટો ઇન્ડસ્ટ્રીયલ વિસ્તાર પલસાણા તાલુકામાં આવેલ છે. જેના તાતીથૈયા ગામે આવેલ એક મિલમાં ઘટના બની હતી, તાતીથૈયા ગામે આવેલ કેજરીવાલ ડાઇગ હાઉસ મિલમાં અચાનક ગરમ પાણીની લાઈનનું ઢાંકણું ખુલી જતા 6 કામદારો ગંભીર રીતે દાજ્યા હતા , જે તમામ ને કડોદરાની મોદી હોસ્પિટલ ખાતે સારવાર અર્થે ખસેડવામાં આવ્યા હતા.

જ્યાં બે કામદારોની તબિયત સારી જણાતા બન્ને કામદારોને રજા આપવામાં આવેલ છે જોકે અન્ય ચાર કામદારો હજુ પણ મોદી હોસ્પિટલમાં સારવાર હેઠળ છે. જોકે, કેજરીવાલ ઇન્ડસ્ટ્રીઝમાં દાઝેલા તમામ કામદારો મોદી હૉસ્પિટલમાં સારવાર હેઠળ છે ત્યારે મજૂરોએ પોતાના મોઢે આ કથની કહી હતી.

જોકે, આ દુર્ઘટનામાં મીલ તરફથી ગરીબ મજૂરોને વળતર આપવામાં આવશે કે નહીં તે તો હવે જોવું જ રહ્યું. હાલ તો ચાર મજૂરો આ હાદસા બાદ સારવાર લઈ રહ્યા છે.