સુરતમાં ઠગોથી સાવધાન! 25 હજારની લાલચમાં યુવકે લાખ રૂપિયા ગુમાવ્યા, રૂમાલમાં કાગળનું બંડલ પકડાવ્યું

કિર્તેશ પટેલ, સુરતઃ સુરતના કડોદરા (surat kadodara) રોડ ભક્તિધામ મંદિર પાસે આવેલી પંજાબ નેશનલ બેન્કમાં (Punjab National bank) બચત ખાતામાં એક  લાખ રૂપિયા ભરવા માટે ગયેલા યુવકને બેન્કમાં ભેટી ગયેલા બે ગઠિયાઓએ વતનમાં 2.50 લાખ રૂપિયા મોકલવાના છે. તેના બદલામાં રૂપિયા 25 હજાર આપવાની લાલચ આપી રૂમાલમાં કાગળના પુઠ્ઠા પકડાવી એક લાખ લઈને રફુચક્કર થઈ ગયા હતા. યુવકે રૂમાલ ખોલીને જાતા ચોકી ઉઠ્યા બાદ પોતાની સાથે ઠગાઈ (Fraud) થઈ હોવાનો ખ્યાલ આવતા પોલીસમાં (police) પીળા અને લીલા કલરની ટી-શર્ટ પહેરીને આવેલા અજાણ્યાઓ સામે ફરિયાદ નોધાવી હતી.

સુરતના લિંબાયત ગોડાદરા ભાવનાપાર્ક સોસાયટીમાં રહેતા હરેશ ભુપતભાઈ કાછડ ગુરુવારે  સવારે સાડા દસેક વાગ્યે સુરત કદોડરા રોડ પુણા ભક્તિધામ મંદિર પાસે આવેલ પંજાબ નેશનલ બેન્કમાં બચત ખાતામાં એક લાખ રૂપિયા જમા કરવા માટે ગયા હતા.

હરેશભાઈને બેન્ક કાઉન્ટર ઉપર પૈસા ભરવાની સ્લીપ ભરતા હતા તે વખતે આસરે 30થી 35 વર્ષના વાદળી કલરની ટી-શર્ટ પહરેલ અજાણએ સ્લીપમાં કેટલા પૈસા ભરી શકાય તેમ પુછતા હરેશે તેને મને ખબર નથી તમે સાહેબને પુછો લો તેમ કહ્યું હતું.

ત્યારબાદ થો઼ડીવારમાં બીજા 30થી 35 વર્ષના પીળા કલરની ટી-શર્ટ પહેરીને આવેલા અજાણ્યાએ મારુ બેન્કમાં ખાતું નથી મારે ગામ રૂપિયા 2.50 લાખ મોકલવાના છે કોઈ સેટીંગ કરી આપોને હોલાનુ કહેતા હરેશને અગાઉ સ્લીપ ભરવાનુ પુછવા આવેલા અજાણ્યાએ પૈસા ગામ મોકલાનુ સેટીંગ કરી આપીશુ તો 25-15 હજાર મળશે.

હોવાનુ કહેતા હરેશ લાલચમાં આવી જઈને  પૈસા ભરવાની હા પાડતા તેનેચાલતા ચાલતા હોન્ડાના શો રૂમ પાસે લી ગયા હતા. ત્યા હરેશ બંને જણાને 50-50 હજાર આપ્યા હતા. પીળા કલરની ટી-શર્ટ વાળો હરેશભાઈને રૂમાલમાં રૂપિયા 2.50 લાખ આપ્યા હતા.

ત્યારબાદ વાદળી કલરની ટી-શર્ટવાળાએ હરેશને તેમાંથી 1 લાખ તેમના કાઢી લેવા અને 1 લાખ ગામ  મોકલીશુ અને બાકીના 50 હજારમાંથી 25-25 હજાર વેચી લેવાની વાત કરી પીળા કલરની ટી-શર્ટવાળાને કડોદરા છોડી આવું કહી હરેશને રીક્ષામાં બેન્કમાં પૈસા ભરવા માટે મોકલી આપ્યો હતો.

હરેશભાઈ બેન્ક પાસે પહોચી રૂમાલ ખોલીને જાતા તેમાંથી પૈસાને બદલે કાગળના પૂંઠા નિકળતા તેમની સાથે છેતરપીંડી થઈ હોવાનો ખ્યાલ આવતા ગઈકાલે પુણા પોલીસમાં ફરિયાદ નોધાવી હતી.