1/ 7
કિર્તેશ પટેલ, સુરત: સુરત શહેરમાં બમરોલી રોડ (Bamroli road) ખાતે આવેલી મનહર ડાઈંગ મિલ (Manhar Dyeing mill)માં સોમવારે વહેલી સવારે ફરીથી ભીષણ આગ ફાટી નીકળતા અફરાતફરી મચી જવા પામી છે. સ્ટીમ બોઈલર વિભાગમાં લાગેલી આગે જાતાજાતામાં મોટું સ્વરૂપ ધારણ કરી લીધું હતું. જે બાદમાં આગ પહેલા માળ સુધી પ્રસરી જતા કામ કરતા કારીગરો પોતાનો જીવ બચાવી બહાર દોડી ગયા ગતા. બીજી તરફ આગના તણખણા પાછળના ભાગે આવેલી એક દુકાન (Shop) અને આઠ જેટલી બાઈક (Bikes) પર પડતાં મોટું નુકસાન થયું હતું.
2/ 7
મળતી માહિતી પ્રમાણે સુરતના બમરોલી રોડ ખાતે આવેલી મનહર ડાંઈગ મિલમાં સોમવારે સવારે વીજળી ચાલી ગઈ હતી. સવારે પાવર આવતા સ્ટીમ બોઈલર વિભાગમાં ઍન્જીન ચાલુ કરવા જતી વખતે ઍન્જીનમાંથી ઓવરફ્લો થતા આગ ફાટી નીકળી હતી. જોતજાતામાં આગે વિકરાળ સ્વરૂપ ધારણ કરી લીધું હતું અને પહેલા માળ સુધી પ્રસરી ગઈ હતી.
3/ 7
આગને કારણે કારીગરોનાં જીવ પડીકે બંધાયા હતા. કારીગરો આગ વધુ ફેલાય તે પહેલા પોતાનો જીવ બચાવી બહાર દોડી આવ્યા હતા. આગને કારણે પાછળ આવેલી ચિકન સેન્ટરની એક દુકાનું છાપરું તેમજ સ્થાનિક ઘરની બહારનો કચરો અને આઠ જેટલા સ્કૂટર અને મોટર સાઇકલ સળગી ગયા હતા.
4/ 7
ઉલ્લેખનીય છે કે મનહર ડાઈંગ મિલમાં ત્રણ દિવસ પહેલા પણ આગ લાગી હતી. આજે સવારે ફરીથી આગ લાગતા આજુબાજુના લોકોમાં ભયનો માહોલ ફેલાયો હતો. મિલમાં લાગેલી આગના તણખણા આજુબાજુમાં સ્થાનિક લોકોના ઘર પર પડતા ઘરના છાપરા તેમજ બાઈકો બળી ગઈ હતી.
5/ 7
આગને કારણે લોકો પણ ડરના માર્યા ઘરની બહાર દોડી ગયા હતા. બનાવ અંગે ફાયર વિભાગને જાણ કરવામાં આવતા મજુરા, માન દરવાજા, નવસારી બજાર, ભેસ્તાન અને ડુંભાલ ફાયર સ્ટેશનમાંથી આઠ જેટલી ગાડીઓ ઘટના સ્થળે દોડી ગઈ હતી. ફાયરના જવાનોએ પાણીનો માર ચલાવીને આગ પર કાબૂ મેળવ્યો હતો.
6/ 7
મિલમાં લાગેલી આગમાં મશીનરી તેમજ કાપડનો જથ્થો બળી ગયો હતો. ઉલ્લેખનીય છે કે મનહર ડાઈંગ મિલમાં ત્રણ દિવસ પહેલા એટલે કે 12મી જાન્યુઆરીના રોજ પણ આગ લાગી હતી. જોકે, મિલના વૉચમેનને સતર્કતાને કારણે મોટી દુર્ઘટના સર્જાતી અટકી હતી. વૉચમેનની સતર્કતાને કારણે તમમા કર્મચારીઓ બહાર દોડી ગયા હતા.
