સુરત શહેરમાં આજે ભાઇ બહેન દિક્ષા લેવા જઇ રહ્યા છે. સીએ ભાઇ સાથે બહેન પણ દિક્ષા લઇને સંસારની મોહમાયા ત્યાગીને સંયમનો માર્ગ અપનાવશે. દિક્ષા બાદ બંને મુમુક્ષોને નવું નામ આપવામાં આવશે. તાપીના કિનારે યોજાઇ રહેલા આ દિક્ષા સમારોહમાં અનેક જૈન સાધુ સાધ્વીઓની હાજરીમાં બંને ભાઇ બહેન સંયમનો માર્ગ અપનાવશે. કદમ દોશીના ભાઇએના જણાવ્યા પ્રમાણે કદમ પહેલાથી જ લાંચ ભ્રષ્ટાચાર વિરોધી હતો. આમ લાંચ અને ભ્રષ્ટાચારના કારણે લોકોને સંસારમાં રહીને દુઃખી કરવા અને કરતા દિક્ષા લઇને સંયમનો માર્ગ અપનાવવાનું કદમ માને છે. (પ્રજ્ઞેશ વ્યાસ, સુરત)
મળતી માહિતી પ્રમાણે સુરતમાં તાપી નદીના કિનારે આવેલા મેદાનમાં દોશી પરિવારના બે મુમુક્ષોનો દિક્ષા કાર્યક્રમ રાખવામાં આવ્યો છે. જ્યાં આજે રવિવારે વહેલી સવારથી જ દિક્ષા કાર્યક્રમ અને વિધિ શરૂ થઇ ગઇ છે.
જ્યાં દોશી પરિવારના સભ્યો સહિત સંબંધીઓ અને જૈન મુનીઓ અને સાધુ સાધ્વીઓ ઉપસ્થિત રહ્યા છે. અહીં CA કદમ દોશી અને તેમની બહેન વિધિશા દિક્ષા લેવાના છે.
CA કદમના ભાઇના જણાવ્યા પ્રમાણે કદમ જ્યારે સીએ કર્યા પછી કદમને શરૂઆતથી જ લાગતું હતું કે આ સમાજમાં બધી જગ્યાએ લાંચનું પરિબળ ઓછા કે વધારે પ્રમાણમાં રહેલું છે.
ત્યારે સમાજમાં રહીને આ પ્રકારે બીજાને દુઃખ પહોંચાડવું એના કરતા દિક્ષા લઇને સંસારની મોહમાયાનો ત્યાગ કરવો. આ સાથે વિધિશા પણ દિક્ષા લેવા જઇ રહી છે.
તેમણે વધુમાં જણાવ્યું હતું, કે કદમ અને વિધિશાની દિક્ષા એ દોશી પરિવાર માટે ગૌરવની વાત છે. અને અત્યારે બંનેની દિક્ષાના પગલે દોશી પરિવારમાં ખુશીઓની લહેર છવાયેલી છે.
