સુરતઃ મહિલાને અડફેટે લેતા રાષે ભરાયેલા લોકોએ સીટી બસમાં કરી તોડફોડ

સીટી બસ દ્વારા રાહદારીઓને અડફેટે લેવાની ઘટનાઓ છાસવારે બનતી રહે છે. આજે શુક્રવારે સુરતમાં ફરી એકવાર આવી ઘટના બની છે. સીટી બસના ચાલકે મહિલાને અડફેટે લીધી હતી. જેના પગલે તે ગંભીર રીતે ઇજાગ્રસ્ત થઇ હતી. જોકે, 108ની મદદથી તેને હોસ્પિટલ ખસેડવામાં આવી હતી. જોકે, આ ઘટનાથી રોષે ભરાયેલા લોકોએ સીટી બસ ઉપર પથ્થર મારો કર્યો હતો.

મળતી માહિતી પ્રમાણે કામરેજ- સચિન જીઆઇડીસીના નાકા રૂટ ઉરપ દોડતી સીટી બસના ચાલકે મહિલાને અડફેટે લીધી હતી.

બસની ટક્કરથી મહિલા ગંભીર રીતે ઇજાગ્રસ્ત થઇ હતી. જેને 108ની મદદથી હોસ્પિટલ ખસેડવામાં આવી હતી.

સાથે સાથે આ ઘટનાના પગલે ઉષ્કેરાયેલા લોકોએ સીટી બસ ઉપર પથ્થર મારો કરીને બસના કાચ ફોડી નાખ્યા હતા.

બસમાં તોડફોટ થતાં પોલીસને જાણ કરવામાં આવી હતી. જેના પગલે પોલીસ પણ ઘટના સ્થળે પહોંચી હતી. અને સ્થિતિને કાબુમાં લીધી હતી.