નવસારી જિલ્લામાં બે દિવસથી મેઘમહેર, ગણદેવીનું ઘોલ ગામ, દેવધાનું વજીફા ફળિયું સંપર્ક વિહોણા

નવસારીઃ દક્ષિણ ગુજરાત (south Gujarat) સહિત નવસારીમાં વરસાદની આગાહી (Rainfall forecast) વચ્ચે જીલ્લામાં અનરાધાર વરસાદ વરસી (heavy rain) રહ્યો છે. ત્યારે છેલ્લા બે દિવસથી જીલ્લામાં સાર્વત્રિક મેઘ મહેર ચાલું છે. નવસારી તેમજ ઉપરવાસમાં વરસાદના કારણે જિલ્લાની પૂર્ણા, અંબિકા કાવેરી નદી બંને કાંઠે વહી રહી છે.

અંબિકા નદીની જળ સપાટીમાં વધારો થતા ગણદેવીનું ઘોલ ગામ, દેવધાનું વજીફા ફળિયું સંપર્ક વિહોણું થઈ ગયું છે. અંબિકા નદી ઘોલ ગામ સહિત સહિત ગામના મુખ્ય રસ્તા પરથી વહેવા માંડી છે. નવસારી જીલ્લામાં અનરાધાર વરસાદે જીલ્લાના લોકોના હાલ બેહાલ કર્યા છે.

વધુ મળતી માહિતી પ્રમાણે છેલ્લા બે દિવસથી જિલ્લામાં સાર્વત્રિક વરસાદ પડતાં અંબિકા અને કેવારી નદીમાં નવા નીર આવતા રસ્તાઓ ઉપર પાણી ફરી વળ્યા છે. ગણદેવી-બીલીમોરાને જોડતા આંતરિક માર્ગ વાહનવ્યવહાર માટે બંધ કરવામાં આવ્યો છે. દેસાડ-અંભેટાને જોડતો ગ્રામય રસ્તા ઉપર પણ અંબિકા પાણી ફરી વળતા વાહનવ્યવહાર બંધ કાર્યો છે.

વરસાદે જ્યારે લોકોના જીવન બેહાલ કર્યા ત્યારે વરસાદ તેમજ સ્થિતિ ઉપર તંત્ર બાજ નઝર રાખી રહ્યું છે. આ ઉપરાંત તમામ પરિસ્થિતિને પહોંચી વળવા માટે જીલ્લામાં 1 NDRFની ટીમ તૈનાત કરવામાં આવી છે. જિલ્લાની પૂર્ણા અને અંબિકા નદીની જળ સપાટીમાં સતત વધારો થઈ રહ્યો છે.

નવસારીમાં છેલ્લાં કલાકના વરસાદના આંકડા<br />નવસારી :83 મિમી (3.5 ઇંચ)<br />જલાલપોર :73 મિમી (3 ઇંચ)<br />ગણદેવી : 107 મિમી (4 ઇંચ)<br />ચીખલી : 130 મિમી (5 ઇંચ)<br />ખેરગામ :106 મિમી (4 ઇંચ)<br />વાંસદા :66 મિમી (2.5 ઇંચ)

જિલ્લાની નદીની સ્થિતિ<br />પૂર્ણા નદીની જળ સપાટી 16.33 ફુટ ભયજનક જળ સપાટી 23 ફુટ<br />કાવેરી નદીની જળ સપાટી 11 ફુટ  ભયજનક જળ સપાટી :19 ફુટ<br />અંબિકા નદીની જળ સપાટી 16.33 મીટર ભયજનક જળ સપાટી 28ફુટ

જીલ્લાના ડેમની સ્થિતિ<br />જૂજ ડેમ : હાલની સપાટી 154.10 ભયજનક સપાટી 167.50<br />કેલિયા ડેમ :હાલની સપાટી 105.90 ભયજનક સપાટી 113.40