Gujarat NDRF Rescue: નવસારીમાં ભારે વરસાદ બાદ ભયાનક દ્રશ્યો આવ્યા સામે, લોકોના જીવ તાળવે ચોંટ્યાં

આખા ગુજરાતમાં વરસાદે કાળો કહેર વર્તાવ્યો છે ત્યારે દક્ષિણ ગુજરાતમાં તો મેઘો તાંડવ કરી કરી રહ્યો હોય તેમ ભયાનક દ્રશ્યો સામે આવી રહ્યા છે. આવામાં નવસારીમાં મેઘતાંડવના પગલે શહેરની મુશ્કેલીમાં સતત વધારો થઈ રહ્યો છે. પૂર્ણા , કાવેરી, અંબિકા નદીમાં હજુ પણ પાણીનું લેવલ વધુ રહ્યું છે. જેના કારણે સમગ્ર શહેર પાણીમાં તરબોળ થઈ ગયું છે. નિચાણવાળા વિસ્તરમાંથી રેસ્ક્યુ કરવા માટે સુરત ફાયરની ટીમની પણ મદદ લેવાઈ રહી છે. હાલમાંમહિલા અને નવજાત શિશુ સહિત 20 લોકોનું રેસ્ક્યુ કરાયું છે. તમામને મામલતદાર કચેરીમાં આસરો અપાયો છે.

નવસારીમાં આભ ફાટ્યું હોય તેમ પૂર્ણા નદી ભયનજક સપાટીને પાર કરી ગઇ છે. નદીનો ધસમસતો પ્રવાહી નવાસારી શહેરમાં ફરી વળ્યો છે. જેના કારણે નવસારી શહેરમાં ચારેબાજુ તબાહીના દ્રશ્યો સર્જાયા છે. શહેરના તમામ વિસ્તારો પાણીમાં ગરકાવ ગયા છે અને ભારે વરસાદથી જનજીવન પ્રભાવિત થયું છે. ધસમસતો પ્રવાહ નવસારી શહેરમાં ફરી વળ્યો છે જેના કારણે વેરાવળ રિંગ રોડ વિસ્તારમાં પાણી ભરાયા છે અને દુકાન અને મકાનો પાણીમાં ગરકાવ થઇ ગયા છે.

નવસારીમાં પુર્ણા નદી ઓવરફ્લો થતા નીચાણવાળા વિસ્તારોમાં પાણી ભરાયા છે. ત્યાં જ મચ્છી માર્કેટ વિસ્તરના મકાનો અને દુકાનોમાં પાણી ભરાયા છે. નીચાણવાળા વિસ્તારમાં પણી ભરાતા લોકોને સલામત સ્થળે ખસેડવામાં આવ્યા છે. બીજી તરફ નવસારીના બીલીમોરામાં NDRFની ટીમ સક્રિય થઇ છે. બીલીમોરાના કલમઠા ગામે 50થી વધુ લોકો ફસાયા છે. જેથી NDRFની બે ટીમ રેસ્ક્યૂ માટે પહોંચી ગઇ છે અને ગળાડૂબ પાણીમાં ફસાયેલા લોકોને બચાવવામાં આવી રહ્યા છે.

બીજી તરફ નેશનલ હાઈવે 48 પર ટ્રાફિક જામના દ્રશ્યો સામે આવ્યા છે. જ્યાં રસ્તાઓ પર પાણી ભરાતા લાઇફલાઈન અટકી ગઇ છે. ચીખલીથી ધરમપુર 30 વચ્ચે ટ્રાફિક જામ સર્જાયો છે. જ્યાં 30 કિમી લાંબો જામ થતા લોકો મુશ્કેલીમાં મૂકાયા છે અને પરેશાન થઇ ગયા છે.

નવસારીમાં કાવેરી નદીનો ધસમસતો પ્રવાહ રિવરફ્રન્ટ પર ફરી વળ્યો છે. ચીખલી તાલુકામાં નદીમોલ્લો સહિતના વિસ્તારો પ્રભાવિત થયા છે. કાવેરી નદી ભયજનક સપાટીથી 6 ફૂટ ઉપર વહી રહી છે. કેલીયા ડેમમાંથી સતત પાણી છોડાતા નદીની સપાટીમાં વધારો થયો છે. જેના કારણે લોકો ડરના માહોલમાં જીવી રહ્યા છે.

નવસારી શહેરમાં ગંભીરની પરિસ્થિતિ સર્જાયી છે. નવસારી શહેર નજીકથી વહેતી પૂર્ણ નદીના જળસ્તરમાં ખૂબ ઝડપથી વધારો થતા પૂરનું સંકટ છવાયુ છે જેને લઈને નવસારી નગરપાલિકા તંત્ર થઈ ગયું છે અને નીચાણવાળા વિસ્તારોને વહેલામાં વહેલી તકે સુરત શહેર ખસી જવા માટે વિનંતી કરવામાં આવી રહી છે.