હા મોજ! ગીતા રબારીના ડાયરામાં થયો ડોલરનો વરસાદ

ગુજરાતના ખ્યાતનામ કલાકારોનો ડાયરો હોય અને તેમાં રૂપિયાની નોટો ન ઉડે તો જ નવાઈ! સૌરાષ્ટ્રમાં ધર્માદા કે ગૌશાળાના લાભાર્થે યોજાતા ડાયરાઓમાં કરોડો રૂપિયા એકઠા થયા હોવાના સમાચાર સામે આવતા રહે છે. તાજેતરમાં નવસારી ખાતે ગીતા રબારીના ડાયરાનું આયોજન થયું હતું. આ ડાયરામાં નોટીની સાથે સાથે ડોલરનો પણ વરસાદ થયો હતો.

નવસારીમાં ગૌરક્ષક દળ દ્વારા લોકગાયિકા ગીતા રબારીનું આયોજન કરવામાં આવ્યું હતું. ડાયરામાં ગીતા રબારીના ગીતો પર હાજર તમામ સૌ કોઈ લોકો ઝૂમી ઉઠ્યા હતા. આ ડાયરામાં વિદેશમાં રહેતી મૂળ ગુજરાતી લોકોએ પણ મોજ માણી હતી.

ગીતા રબારીનો ડાયરો બરાબર જામ્યો હતો અને ડાયરામાં નોટોનો વરસાદ થયો હતો. આ દરમિયાન વિદેશમાં રહેતી મૂળ ભારતીયોએ ડાયરાની મોજ માણતાં માણતાં ડોલરનો વરસાદ કર્યો હતો.

આ ડાયરામાં 17 લાખથી વધારે રકમ એકથી થયાનો અંદાજ લગાવવામાં આવી રહ્યો છે.

આ રકમનો ઉપયોગ ગૌમાતાની સેવા માટે કરવામાં આવશે.

ડાયરામાં એનઆરઆઈ ઝૂમી ઉઠ્યા હતા.

ગીતા રબારીના ડાયરામાં નોટોનો વરસાદ કરી રહેલા લોકો.