Navsari :  રામકથામાં મુસ્લિમ સમાજે બે એમ્બ્યુલન્સ સેવામાં રાખી, કોમી એકતાનું ઉદાહરણ

Krushna salpure, Navsari : નવસારીમાં ચાલી રહેલી લાલવાની પરિવાર દ્વારા આયોજિત રામકથામાં અલગ અલગ વિભાગોમાં તમામ લોકો સેવાઓ કરી રહ્યા છે.

ત્યારે આજે એક મેડિકલ સેવા પણ અહીં ઉપલબ્ધ કરવામાં આવી છે. જેમાં મુસ્લિમ સમાજના ટ્રસ્ટ દ્વારા એમ્બ્યુલન્સ કાર્યરત રાખવામાં આવી છે.

નવસારીનાં આંગણે પૂ. મોરારીબાપુના મુખે રામકથા કથાનો પ્રારંભ થયો છે. તા. 22 માર્ચ થી 30 માર્ચ સુધી ચાલનારી રામકથા માં દેશ વિદેશ થી અનેક લોકો જોડાયા છે.દરેક સમાજનાં લોકો સેવામાં જોડાયા છે. રામકથામાં મુસ્લિમ સમાજના આગેવાનો પણ સેવામાં જોડાયા છે.

અલીફ ફાઉન્ડેશન દ્વારા બે એમ્બ્યુલન્સ મંડપની પાસે સતત રાખવામાં આવી છે. જે ૩૦ માર્ચ સુધી ચાલનારી રામકથામાં એમ્બ્યુલન્સ કાર્યરત રહેશે. તેમજ નવસારીનાં મુસ્લિમ સમાજના આગેવાનો દ્વારા પૂ. મોરારીબાપુ રામકથામાં કોઈપણ પ્રકારની સેવા માટે સદા તત્પર રહી અને સહભાગી બની પ્રમુખ ઝૂબીનભાઇ કુરેશી, નીશારભાઇ કુરેશીએ જણાવ્યું હતું. કોમી એકતાનું ઉદૃાહરણ પુરૂ પાડ્યું હતું.