Big Accident: નવસારીમાં કાર અથડાયા બાદ કન્ટેનર કાર પર પડ્યું, કારનું પડીકુ વળી ગયું, પાંચના મોત

નવસારીઃ નવસારીમાં એક ગમખ્વાર અકસ્માત (Navsari Big Accident) સર્જાયો હતો. નવસારીના કસ્બા ધોળાપીપળા માર્ગ ઉપર એક ફૂલ સ્પીડમાં જતા કન્ટેનર સાથે સીએનજી કાર (CNG car and container accident) અથડાઈ હતી. જેના પગલે કેન્ટેનર કાર ઉપર પડતા કારનો ભૂક્કો બોલાઈ ગયો હતો. આ ઘટનામાં પાંચ લોકોના ઘટના સ્થળે જ મોત નીપજ્યા હતા. ઘટનાના પગલે ટ્રાફિક જામના (traffic jam) દ્રશ્યો સર્જાયા હતા. અને પોલીસ તેમજ ફાયર બ્રિગેડ (Fire brigade) ઘટના સ્થળે પહોંચીને આગળની સ્થિતિ સંભાળી હતી.

મળતી માહિતી પ્રમાણે નવસારીના કસ્બા ધોળાપીપળા માર્ગ ઉપર પુર ઝડપે દોડતા કન્ટેરન સાથે સીએનજી કાર અથડાઈ હતી. જેના પગલે કન્ટેનર ઈકો કાર ઉપર પડતાં કારનો ભુક્કો બોલાઈ ગયો હતો. કારમાં સવાર નવસારીના સમરોલી ગામના પાંચ લોકોના ઘટના સ્થળે જ દબાઈ જતાં કરુણ મોત નીપજ્યા હતા.

ઘટનાની જાણ થતાં નવસારી ગ્રામ્ય પોલીસ ઘટના સ્થળે પહોંચી રોડ બંધ કરાવી મૃતકોને બહાર કાઢવાવી કામગીરી હાથધરી હતી. પોલીસે ક્રેઈનની મદદ લઈને ઈકો કારમાં ફસાયેલા તમામ પાંચેય મૃતદેહોને બહાર કાઢ્યા હતા.

ઘટનાના પગલે રસ્તો બંધ થતાં ટ્રાફિક જામના દ્રશ્યો સર્જાયા હતા. અને ઘટનાની જાણ થતાં કેબિનેટ મંત્રી નરેશ પટેલ પણ ઘટના સ્થળે પહોંચી ગયા હતા. આ ઉપરાંત પોલીસે પાંચેય મૃતકોની ડેડબોડીને પોસ્ટમોર્ટ માટે સરકારી હોસ્પિટલ મોકલી આપ્યા હતા. અને પોલીસે આગળની કાર્યવાહી હાથધરી હતી.

ઉલ્લેખનીય છે કે ગુજરાતમાં રવિવારે પણ એક કમકમાટી ભર્યો અકસ્માત સર્જાયો હતો. અમદાવાદ-રાજકોટ હાઇવે (Ahmedabad Rajkot Highway) પર લીંબડી (Limbdi) નજીક ગોઝારો અકસ્માત (Accident) સર્જાયો છે. ઇકો કાર (Eco Car) અને ખાનગી લક્ઝરી (Bus) વચ્ચે ગમખ્વાર અકસ્માતમાં રાજકોટ (Rajkot)ના ચાર યુવાનનાં ઘટનાસ્થળે મોત નીપજ્યા છે, જ્યારે બે યુવાનો ઇજાગ્રસ્ત થયા છે. અકસ્માતમાં ઇકો કારના કચ્ચરઘાણ બોલી ગયા હતા. કારના પતરા કાપીને મૃતદેહ બહાર કાઢવા પડ્યા હતા.