સ્પેસમાંથી સ્ટેચ્યૂ ઓફ યુનિટી કેવું દેખાય છે, જોઇલો રમણીય નજારો

વડાપ્રધાન નરેન્દ્ર મોદીએ 31મી ઓક્ટોબરના રોજ દેશના પ્રથમ ગૃહમંત્રી સરદાર વલ્લભભાઈ પટેલના સન્માનમાં બનાવવામાં આવેલી વિશ્વની સૌથી ઊંચી પ્રતિમા "સ્ટેચ્યૂ ઑફ યુનિટી"નું અનાવરણ કર્યું હતુ. @planetlabs સ્ટેચ્યૂ ઓફ યુનિટીની પ્રતિમા સ્પેસમાંથી કેવી દેખાય છે તેની તસવીર તેમના ટ્વિટર પર શેર કરી છે. @planetlabs એ 15 નવેમ્બરના રોજ 597 ફૂટની ઊંચાઇએથી વિશ્વની સૌથી ઊંચી પ્રતિમાની સ્કાયસેટ ઇમેજ લીધી હતી. @planetlabsએ સેટેલાઇટ નેટવર્ક છે. જે વિશ્વની સુંદર અને અજાયબ જગ્યાઓની સ્કાયસેટ ઇમેજ લે છે.

સરદાર વલ્લભભાઈ પટેલની આ મુર્તી બનાવવા પાછળ લગભગ 2990 કરોડ રૂપિયા ખર્ચ કરવામાં આવ્યા. 182 મીટર ઊંચી આ મુર્તીમાં 1,40,000 ક્યુબેક મીટર સીમેન્ટનો ઉપયોગ કરવામાં આવ્યો છે. આ સિવાય 2000 ટન કૉપર તેમજ 18500 ટન રૉડ્સનો ઉપયોગ કરવામાં આવ્યો હતો. લગભગ 3000 મજૂરોએ 33 મહિનામાં આ પ્રતિમા બનાવી હતી.

"સ્ટેચ્યૂ ઑફ યુનિટી" વડાપ્રધાન નરેનદ્ર મોદીનો ડ્રીમ પ્રોજેક્ટ છે. તેમણે આ પ્રોજેક્ટની જાહેરાત 2010ના વર્ષમાં ગુજરાતના મુખ્યમંત્રી કાળ દરમિયાન કરી હતી.

દાવો કરવામાં આવ્યો છે કે આ પ્રતિમા એટલી શક્તીશાળી છે કે 220 કિ.મી. પ્રતિ કલાકની ઝડપે ચાલનારા તોફાન પણ તેને કોઈ નુકશાન ન પહોંચાડી શકે. તેમજ રેક્ટર સ્કેલ પર 6.5ની તિવ્રતાનો ભૂકંપ પણ આ પ્રતિમાને કોઈ અસર ના કરી શકે.

"સ્ટેચ્યૂ ઑફ યુનિટી"નું નિર્માણ નોઈડાના શિલ્પકાર પદ્મભુષણ રામ વી સુતારના નેતૃત્વ હેઠળ થયું. પ્રતિમામાં સરદાર વલ્લભભાઈ પટેલના ચહેરા પર ખાસ ધ્યાન આપવામાં આવ્યું છે. સુતારે લગભગ 2000 ચિત્રોના અધ્યયન પછી તેમના ચહેરાની ડિઝાઈન તૈયાર કરી. આ દરમિયાન સુતારે ઘણા ઈતિહાસકારોની મુલાકાત પણ લીધી.

અત્યાર સુધી સૌથી ઉંચી મુર્તીનો રેકોર્ડ ચીનમાં સ્થિત સ્પ્રિંગ ટેમ્પલની 153 મીટર ઉંચી બુદ્ધ પ્રતિમાના નામે હતો. પરંતુ તેને પછાળી સરદાર પટેલની આ પ્રતિમા "સ્ટેચ્યૂ ઑફ લિબર્ટી" કરતાં બે ઘણી ઉંચી છે.