House Boat: હવે હાઉસ બોટમાં રોકાવા કેરળ કે કાશ્મીર જવાની જરૂર નહીં પડે, રાજ્યમાં શરૂ થઈ સુવિધા

દીપક પટેલ, કેવડિયાથી: ગુજરાતીઓ (Gujarati Touris) પોતાની વેપારકળા સાથે પ્રવાસનના શોખ માટે પણ જાણીતા છે. દેશ વિદેશમાં ગુજરાતના પ્રવાસીઓ મુલાકાતો કરે છે ત્યારે ગુજરાતીઓ ખાસ કરીને હાઉસ બોટમાં (House Boat) રોકાવા માટે કેરળ (Keral House Boat) અને કાશ્મીરનો (Kashmir House Boat) પ્રવાસ પણ કરતા હોય છે. જોકે, હવે ગુજરાતના પ્રવાસીઓને હાઉસ બોટની મજા માણવા માટે કેરળ કે કાશ્મીર ધક્કો ખાવાની જરૂર નહીં પડે. ગુજરાતના જ લોકપ્રિય પ્રવાસ સ્થળ સ્ટેચ્યૂ ઓફ યુનિટીમાં હાઉસ (House Boat at Statue of Unity Gujarat0 બોટની સુવિધા શરૂ થઈ ગઈ છે.

સ્ટેચ્યુ ઓફ યુનિટી પર આવતા પ્રવાસીઓ માટે વધુ એક સુવિધાનો ઉમેરો થયો છે બિલકુલ આ પ્રોજેક્ટ છે હાઉસ બોટ હવે પ્રવાસીઓ ને કાશ્મીર કે અન્ય દેશો માં હાઉસ બોટ નો લાહવો લેવા જવું નહીં પડે તમને હવે ગુજરાત ના એકતાનગર (કેવડિયા) માજ હવે હાઉસ બોટ નો નજારો અને જેમાં રહેવાનો મોકો મળશે

કેવડિયામાં બનેલ સ્ટેચ્યુ ઓફ યુનિટી પાસે હવે દેશ અને વિદેશ માંથી આવતા પ્રવાસીઓ ને માટે અનેક પ્રોજેક્ટો બનાવવામાં આવ્યા જેમાં હવે એક નવું આકર્ષણ નો ઉમેરો થયો છે જે તળાવ નંબર ત્રણ ખાતે ઓયા કંપની દ્વારા એક હાઉસ બોટ બનવવામાં આવી આવી છે.

જેમાં પ્રવાસીઓ ને રહેવા થતા જમવાની તમામ વ્યવસ્થા કરવામાં આવી છે. આ હાઉસ બોટમાં પ્રવાસીઓ રોકાઈ શકે છે.

આ હાઉસ બોટમાં મુલાકાતીઓને રાત્રિ રોકાણની તેમજ રહેવાની મજા માણવા મળશે. હાઉસ બોટનું બુકિંગ પણ શરૂ થઈ ગયું છે.

ઊનાળાના વેકેશન પહેલાં કેવડિયા ખાતે આ આકર્ષણનો ઉમેરો કરવામાં આવ્યો છે. ગરમીથી ત્રસ્ત લોકને અહીંયા ઠંડકમાં મજા માણવાનો અવસર મળશે. જોકે, કેરળની હાઉસ બોટની મજા અલગ જ છે પરંતુ રાજ્યમાં પણ આ એક નવું આકર્ષણ શરૂ થવા જઈ રહ્યું છે ત્યારે તેનો આ એક્સક્લુઝિવ અહેવાલ ન્યૂઝ18 ગુજરાતી દર્શકો અને વાંચકો માટે લઈને આવ્યું છે.