ડાંગઃ પૈસાની લેતી-દેતી બની લોહીયાળ, ચિકનની દુકાન પર ત્રણ લોકો પર કુહાડી વડે હુમલો, દુકાનદારનું મોત

કેતન પટેલ, ડાંગઃ સામાન્ય બાબત કે પૈસાની લેતીદેતીમાં વ્યક્તીઓ વચ્ચે ઝઘડાઓ (fight for money) થવા સામાન્ય વાત છે. પરંતુ ક્યારેક આ ઝઘડાઓ ઉગ્ર બનતા લોહીયાળ સ્વરૂપ ધારણ કરતા હોય છે. આવી જ એક ઘટના ડાંગ જિલ્લાના (Dang jilla) આહવામાં બની હતી. અહીં એક ચિકનની દુકાન (Chicken shop) ઉપર પૈસાની લેતીદેતીમાં દુકાનદાર સહિત ત્રણ લોકો ઉપર અન્ય લોકોએ કુહાડી વડે હુમલો (attack with ax on Shopkeeper) કર્યો હતો. જેમાં ગંભીર રીતે ઘાયલ દુકાનદારનું મોત નીપજ્યું હતું. જ્યારે બે લોકોને સારવાર અર્થે હોસ્પિટલ (Hospital) ખસેડવામાં આવ્યા હતા.

મળતી માહિતી પ્રમાણે ડાંગ જિલ્લાના આહવા તાલુકામાં આવેલા લશકરીયા ગામમાં એક લોહિયાળ ઘટના બની હતી. અહીં આવેલી ચિકનની દુકાન ઉપર આજે સોમવારે દુકાનદાર અને અન્ય વ્યક્તિઓ વચ્ચે ઝઘડો થયો હતો.

જોકે ધીમેધીમે ઝઘડો ઉગ્ર બનતા લોકો દ્વારા કુહાડી વડે દુકાનદાર અને અન્ય બે વ્યક્તીઓ ઉપર હુમલો કરવામાં આવ્યો હતો. આ હુમલામાં દુકાનદાને ગંભીર ઈજાહો પહોંચતા તેનું મોત નીપજ્યું હતું.

જ્યારે અન્ય બે વ્યક્તિઓને ઈજાઓ પહોંચતા સારવાર માટે હોસ્પિટલ ખસેડવામાં આવ્યા હતા. ઘટના બાદ હુમલાખોરો ઘટના સ્થળેથી ફરા થયા હતા. હત્યાની આ ઘટનાથી ગામમાં સનસની ફેલાઈ હતી.

જ્યારે ગામના અન્ય લોકો પણ ઘટના સ્થળે દોડી આવ્યા હતા. ઘટનાની જાણ થતાં પોલીસની ટીમ ઘટના સ્થળે પહોંચી હતી. પોલીસે આ અંગે ગુનો નોંધીને વધુ તપાસ હાથધરી હતી.