સાબરકાંઠાના સોનાસણ ગામમાં મકાનની દીવાલ ધરાશાયી થતાં બે લોકોનાં મોત; મકાન માલિકને જન્મ દિવસે જ મળ્યું મોત

સાબરકાંઠા: સાબરકાંઠા જિલ્લા (Sabarkantha district)માં એક દુઃખદ ઘટના બની છે. જેમાં એક બાંધકામ હેઠળના મકાનની દીવાલ ધસી પડવાને (Wall collapse) કારણે બે લોકોનાં કમકમાટી ભર્યાં મોત થયા છે. દીવાલ પડવાની ઘટનામાં ત્રણ લોકો કાટમાળ નીચે દબાયા હતા. જેમાં મકાન માલિકનું ઘટનાસ્થળે જ મોત થઈ ગયું હતું. એક મજૂરનું સારવાર દરમિયાન મોત થયું હતું. એવી પણ માહિતી મળી છે કે મકાન માલિકનો આજે જન્મ દિવસ (Birthday) હતો. એટલે કે જન્મ દિવસ હોવાથી પરિવારમાં ખુશીન માહોલ હતો પરંતુ દુર્ઘટનામાં પરિવારના મોભીનું મોત થતાં પરિવારમાં શોકની લાગણી વ્યાપી ગઈ છે.

મળતી માહિતી પ્રમાણે મકાન નિર્માણ દરમિયાન આ દુર્ઘટના ઘટી હતી. સાબરકાંઠા જિલ્લા પ્રાંતિજ તાલુકાના સોનાસણ ગામ ખાતે આ બનાવ બન્યો હતો. દીવાલ ધરાશાયી થતાં મકાન માલિક અને બે મજૂરો કાટમાળ નીચે દબાયા હતા. નીચે દબાવાને પગલે મકાન માલિકનું ઘટનાસ્થળે જ મૃત્યુ થયું હતું.

મકાન નીચે દબાવાથી બે મજૂરો પણ ઘાયલ થયા હતા. જેમાંથી એક મજૂરનું સારવાર દરમિયાન મૃત્યું થયું છે. આ બનાવમાં ઘાયલ અન્ય એક યુવકની હાલ હૉસ્પિટલ ખાતે સારવાર ચાલી રહી છે.

હાલ ઘાયલ મજૂરની હિંમતનગરની ખાનગી હૉસ્પિટલમાં સારવાર ચાલી રહી છે. એવી પણ માહિતી મળી છે કે દીવાલ ધરાશાયી થવાને પગલે મકાન માલિકનું મૃત્યું થયું છે તેમનો આજે જન્મ દિવસ હતો. એટલે કે મકાન માલિકનું જન્મ દિવસે જ મૃત્યું થતા પરિવારમાં શોકની લાગણી વ્યાપી ગઈ છે.

દીવાલ ધરાશાયી થતાં ત્રણ લોકો નીચે દબાયા હતા.