હિંમતનગરઃ સ્પીડમાં જતી કાર નાળામાં ખાબકી, જન્મદિવસે જ મોત ભેટ્યું

સાબરકાંઠાના હિંમતનગરમાં ફૂલ સ્પીડમાં જતી કાર નાળામાં ખાબકી હતી. જેના પગલે બે લોકોના મોત નીપજ્યા હતા. પ્રાથમિક તપાસમાં જાણવા મળ્યું હતું કે રાજસ્થાન બોર્ડર આવેલા રતનપુરથી જન્મદિવસની ઉજવણી કરીને પરત ફરતા અકસ્માત નડ્યો હતો. આમ જન્મદિવસે જ યુવક મોતને ભેટ્યો હતો. (ઇશાન પરમાર, સાબરકાંઠા)

મળતી માહિતી પ્રમાણે દહેગામના રહેવાશી ચાર યુવકો શામળાજીથી આગળ આવેલા રતનપુરમાં જન્મદિવસની ઉજવણી કરવા ગયા હતા.

જ્યાંથી પરત ફરતી વખતે ફૂલ સ્પીડમાં આવતી કાર પુલની નીચ નાળામાં ખાબકી હતી.

જેના પગલે પાણી ભરેલા નાળામાં ડૂબી જવાથી બે યુવકોના મોત નીપજ્યા હતા. આમ જન્મદિને જ યુવકને મોત ભેટ્યું હતું.

ઘટનાની જાણ થતાં જ સ્થાનિક લોકોના ટોળા એકઠાં થયા હતા. ફાયર બ્રિગેડને જાણ કરવામાં આવી હતી.

પોલીસે મૃતદેહને પોસ્ટમોર્ટમ માટે મોકલીને આગળની કાર્યવાહી હાથધરી હતી.