રેણુકા શહાણે તે એક્ટ્રેસિસમાંથી એક છે જેમણે યૌન શોષણનો શિકાર મહિલાઓનું સમર્થન કર્યુ છે. ગત અઠવાડિયા નાના પાટેકર, આલોકનાથ, રજત કપૂર, વિકાસ બહલ, આલોક નાથ જેવા ઘણાં નામી ચહેરાઓ #MeToo ચળવળ હેઠળ ઉઘાડા પડી ગયા. શહાણેને જ્યારે એક ઇન્ટરવ્યુમાં આલોક નાથ અંગે સવાલ કરવામાં આવ્યો તો તેમણે યોન શોષણનો શીકાર મહિલાઓની તરફેણ કરી હતી અને તેમનાં વિરુદ્ધ આંગળી ઉઠાવનારાને પણ ફટકાર લગાવી હતી.
હાલમાં રેણુકા શહાણેએ તેમની સાથે બનેલી એક ઘટના શેર કરતાં કહ્યું હતું કે, જ્યારે તે શૂટિંગ માટે બહાર ગઇ હતી ત્યારે 'હોટલનાં રૂમમાં એકલી હતી. તે સમયે એક સર્વિસ બોય મારા માટ જમવાનું લઇને આવ્યો અને પોતાને મારો ફેન કહેવા લાગ્યો, વાત કરતાં કરતાં તેણે જમવાનું ટેબલ પર મુક્યુ અને તે મારી સામે માસ્ટરબેટ કરવા લાગ્યો. તે જોઇને હું ખુબજ ડરી ગઇ હતી અને મે તેને ત્યાંથી નીકળી જવા કહ્યું હતું તેમજ તેની ફરિયાદ હોટલ મેનેજરને કરી હતી.'
