Rajkot News: આમા કેમ આખા વર્ષનો મસાલો ભરવો, હળદર અને મરચાના ભાવ તો જુઓ!

Mustufa Lakdawala,Rajkot : ઉનાળાની ઋતુ શરૂ થઈ ગઈ છે. એટલે ગૃહિણીઓ પણ કામે લાગી ગઈ છે.કારણ કે ઘઉં ભરવાની અને મસાલા ભરવાની સિઝન આવી ગઈ છે.જેથી ગૃહિણીઓનું બજેટ ખોરવાયું: રાજકોટમાં મસાલાના ભાવ ભડકે બળ્યાં, મરચાના ભાવની તીખાશ વધી, જીરૂના ભાવ સાંભળી માથુ પકડી લેશો.

ઉનાળાની ઋતુ શરૂ થઈ ગઈ છે.એટલે ગૃહિણીઓ પણ કામે લાગી ગઈ છે.કારણ કે ઘઉં ભરવાની અને મસાલા ભરવાની સિઝન આવી ગઈ છે.જેથી મહિલાઓ મસાલા માર્કેટમાં મસાલાની ખરીદી કરવા નીકળી ગઈ છે.પણ તમને જણાવી દયે કે આ વખતે ગૃહિણીનું બજેટ ખોરવાઈ ગયું છે.

ગત વર્ષ કરતા આ વખતે મસાલાના ભાવ બમણા થઈ ગયા છે.એમાં પણ મરચાના ભાવ સાંભળીને જ મરચા તીખા લાગી રહ્યાં છે.કમોસમી વરસાદના કારણે પાકને નુકસાન થયું છે.જેના કારણે મસાલાના ભાવ અધધ વધી ગયા છે.

મસાલા માર્કેટમાં દર વર્ષ જેટલી રોનક હવે રહી નથી.જેના કારણે માર્કેટ ખાલીખમ દેખાઈ રહી છે.જેની પાછળ મસાલાના ભાવમાં ધરખમ વધારો હોવાનું જાણવા મળી રહ્યું છે. મરચું, હળદર અને ધાણાજીરૂની ગૃહિણીઓ મસાલા માર્કેટમાંથી ખરીદી કરીને આખા વર્ષ માટે દળાવતી હોય છે. તમામ જાતના મરચાના ભાવ આ વર્ષે ડબલ થઈ ગયા છે. કમોસમી વરસાદ અને ભેજ વાળા વાતાવરણના કારણે આ વર્ષે મરચાનું ઉત્પાદન ઓછું થયું છે. જેને લઇને તમામ પ્રકારના મરચાના ભાવ આસમાને પહોંચ્યા છે.

મરચાની સાથે સાથે જીરૂ અને હળદરના ભાવમાં પણ મોટા પ્રમાણમાં વધારો જોવા મળી રહ્યો છે. કમોસમી વરસાદ અને ભેજવાળા વાતાવરણના કારણે જીરાનું ઉત્પાદન ઓછું થયું છે જેને લઇને જીરાના ભાવ આસમાને છે. ગત વર્ષે જીરૂ 250થી લઈને 330 રૂપિયા કિલો મળતું હતું. જે આ વર્ષે 350થી લઈને 450 રૂપિયે કિલો મળી રહ્યું છે. તો હળદરના ભાવમાં પણ 20% જેટલો ભાવ વધારો છે.

મસાલાના ભાવમાં મોટા વધારાને કારણે આ વખતે ગૃહિણીઓએ ગત વર્ષ કરતાં અડધા જ મસાલાની ખરીદી કરી છે. દર વર્ષે 5 કિલો મરચું ભરતા હોય તો આ વર્ષે 3 કિલો મરચું ભરીને જ ગૃહિણીઓએ સંતોષ માનવો પડ્યો છે.

ખાસ કરીને મરચાના ભાવ ડબલ થતાં ગૃહિણીઓનું બજેટ ખોરવાયું છે. ખાસ કરીને મધ્યમ વર્ગના લોકોને આ મોંઘવારીને લઈને ભારે મુશ્કેલી પડી રહી છે. તો મસાલાના ભાવમાં અસહ્ય ભાવવધારાને લઈને વેપારીઓને પણ મુશ્કેલી પડી રહી છે.