રાજકોટમાં કમોસમી વરસાદથી ચારેબાજુ પાણી જ પાણી! અનેક વિસ્તારમાં પાણી ભરાતા સ્થાનિકોને હાલાકી

રાજકોટમાં આવેલી સિવિલ હોસ્પિટલમાં કમોસમી વરસાદને કારણે પાણી ભરાઈ ગયા છે.

સિવિલ હોસ્પિટલમાં આવતા દર્દી સહિત તેમના પરિવારજનોને હાલાકીનો સામનો કરવાનો વારો આવ્યો છે.

હજુ તો ચોમાસું શરૂ નથી થયું ત્યાં જ આવી હાલત છે તો ચોમાસા વખતે તો કેવી હાલત હશે? આવા અનેક પ્રશ્નો ઊભા થયા છે.

કમોસમી વરસાદમાં જ શહેરના અનેક વિસ્તારો સહિત સિવિલ હોસ્પિટલમાં પાણી ભરાઈ જવાથી તંત્રની પોલ ખૂલી ગઈ છે.

શહેરના સિવિલ હોસ્પિટલ નજીક આવેલા બ્રિજ નીચે પાણી ભરાઈ જતા વાહન વ્યવહાર સહિત સ્થાનિકોને મુશ્કેલીઓનો સામનો કરવો પડી રહ્યો છે.

રાજકોટ શહેરના મવડી, હોસ્પિટલ ચોક સહિતના વિસ્તારોમાં ભારે વરસાદ ખાબક્યો હતો. જેને લઇને ઠેર-ઠેર પાણી ભરાઈ ગયા છે.

રાજકોટમાં ભારે વરસાદથી રસ્તાઓ પર પણ પાણી ભરાઈ ગયા છે. જેને લઈને ભરઉનાળે ચોમાસા જેવો માહોલ છવાયો છે.

રાજકોટના કાલાવાડ, રેસકોર્ષ સહિત રિંગરોડ વિસ્તારમાં ભારે કમોસમી વરસાદ ખાબકતા પાણી ભરાઈ ગયા છે.