રાજકોટઃ હોટલ પાર્કઇનમાં ચાલતું કુટણખાનું ઝડપાયું, ગ્રાહકો પાસે રૂ.2500 લઈને પીડિતાને માત્ર રૂ.500 અપાતા

અંકિત પોપટ, રાજકોટઃ રાજકોટ શહેરના (Rajkot city) મહિલા પોલીસ (woman police) અને સમાજ સુરક્ષા વિભાગ દ્વારા હોટલ પાર્ક ઈન (hotel parkinn) ખાતે દરોડો પાડી સેક્સ રેકેટ (sexracket) ચલાવતી મહિલા સહિત હોટલના મેનેજર સહિત ત્રણ લોકોની ધરપકડ (three people arrested) કરી છે. જ્યારે કે ભોગ બનનાર બંગાળી મહિલાને તેમજ એક સગીરાને પોલીસ દ્વારા મુક્ત કરાવવામાં આવી છે.

કલ્કિ નામના એનજીઓને માહિતી મળી હતી કે, રાજકોટ શહેરની સદર બજાર ખાતે આવેલ હોટલમાં છેલ્લા બે મહિનાથી મેરઠની એક સગીરા સંતોષ નામના વ્યક્તિ સાથે રોકાયેલી છે. જે માહિતી એનજીઓ દ્વારા સૌપ્રથમ સમાજ સુરક્ષા વિભાગને આપવામાં આવી હતી. ત્યારબાદ સમાજ સુરક્ષા વિભાગના એનજીઓના સભ્યો મહિલા પોલીસ સ્ટેશન પહોંચ્યા હતા.

ત્યારબાદ એનજીઓ સમાજ સુરક્ષા વિભાગ અને મહિલા પોલીસ દ્વારા સદર બજાર ખાતે આવેલ હોટલ પાર્ક ઈનમાં દરોડો પાડવામાં આવ્યો હતો. દરોડાની કામગીરી ચારથી પાંચ કલાક ચાલી હોવાનું સામે આવ્યું હતું. એનજીઓએ આપેલ માહિતી સાચી ઠરી હતી, હોટલમાંથી સંતોષ નામની વ્યક્તિ નહોતી મળી આવી પરંતુ 16 વર્ષીય સગીરા ચોક્કસ મળી આવી હતી. ત્યાર બાદ સગીરાને સ્પેશિયલ હોમ ફોર ગર્લ્સ માં મોકલવામાં આવી છે.

પોલીસ તપાસ દરમિયાન હોટલમાં કૂટણખાનું ચાલતું હોવાનું પણ સામે આવ્યું છે. પ્રભુદાસ કક્કડ અને જયશ્રી બેન ચાવડા નામની મહિલા ગ્રાહકો પાસેથી રૂપિયા 2500 ઉઘરાવીને ભોગ બનનાર બંગાળી મહિલાને માત્ર પાંચસો રૂપિયા આપી કૂટણખાનું ચલાવતા હોવાનું પણ સામે આવ્યું હતું.

જે અંતર્ગત પોલીસે પ્રભુદાસ ઉર્ફે દાસ ભાઈ ચંદુભાઇ કક્કડ, જયશ્રીબેન મનવીર ભાઇ મનુભાઇ ચાવડા તેમજ હોટલના મેનેજર મેહુલભાઈ બેચરભાઈ તોરલીયા વિરુદ્ધ ઇમોરલ ટ્રાફિક પ્રિવેન્શન એક્ટ 1956 ની કલમ 3,4,5 મુજબ ગુનો દાખલ કરી તેમની વિરુદ્ધ અટકાયતી પગલાં લેવામાં આવ્યા છે.

તો બીજી તરફ પોલીસે મુક્ત કરાવેલ સગીરાને સ્પેશિયલ હોમ ફોર ગર્લ્સ ખાતે મોકલી આપી છે. તેમજ તેનું કાઉન્સિલિંગ પણ હાલ ચાલી રહ્યું છે. ત્યારે કાઉન્સેલિંગ દરમિયાન જ સગીરા કઈ રીતે રાજકોટ આવી પહોંચી હતી.

તેમજ સંતોષ નામના શખ્સ સાથે તેના કયા પ્રકારના સંબંધ હતા. રાજકોટ શહેરમાં તેનો ઉપયોગ દેહ વ્યાપારના ધંધા અર્થે કરવામાં આવ્યું હતું કે કેમ તે તમામ બાબતો સગીરા જણાવશે ત્યારબાદ જ જાણી શકાશે. તો બીજી તરફ પોલીસે સંતોષની શોધખોળ પણ શરૂ કરી છે.

જે પ્રમાણે હોટલમાંથી છેલ્લા બે મહિનાથી રહેતી સગીરા ઝડપાઈ છે તેમજ કુટણખાનું ઝડપાયું છે. તેનાથી એક વાત તો સ્પષ્ટ થઈ છે કે હોટલ પાર્ક ઈન હોટલ નહિ પરંતુ કુટણખાના સ્પેશિયલ બની ગયું હોય તેવું લાગી રહ્યું છે.