રાજકોટઃ જેતપુરમાં હોળીના જ દિવસે જાહેરમાં ખેલાયો ખૂની ખેલ, મોટા ભાઈએ નાનાભાઈની કાતર વડે કરી હત્યા

મુનાફ બકાલી, રાજકોટઃ રાજકોટ (Rajkot) જિલ્લાના જેતપુરમાં ફરી એકવાર જાહેરમાં ખૂની ખેલ ખેલાયો હતો. થોડા દિવસો પહેલા જેતપુરના (Jetpur) જેતલસર ગામમાં (Jetalsar village) એક શંકી એક તરફી પ્રેમીએ સગીરાને જાહેરમાં છરીના 28થી વધુ ઘા મારીને રહેસીં નાંખી હતી ત્યારે આજે રવિવારે હોળીના (holi day) દિવસે ફરી લોહિયાળ ખેલ ખેલાયો હતો. જેતપુરમાં બજાર વચ્ચે જ સંબંધોનું ખૂન થયું હતું. એક ભાઈએ જ બીજા ભાઈ ઉપર (brother killed brother) કાતર વડે હુમલો કરીને પતાવી લીધો હતો. ઘટનાના પગલે સ્થાનિક પોલીસ દોડતી થઈ હતી. અને સ્થાનિ લોકોના ટોળા એકઠાં થયા હતા. પોલીસની ટીમ ઘટના સ્થળે પહોંચીને આગળની કાર્યવાહી હાથ ધી હતી.

મળતી માહિતી પ્રમાણે શહેરના મુખ્ય વિસ્તાર સમાન સ્ટેન્ડ ચોક વિસ્તાર વિસ્તારમાં વર્ષોથી ફૂલોનો વ્યવસાય કરતા કાસમભાઈ શેખના પુત્રો સિકંદર અને હારુન વચ્ચે ઘણા સમયથી સામાન્ય માથાકૂટ થતી રહેતી. આ માથાકૂટને કારણે તેમના પિતાએ નાના પુત્રને થોડો સમય બહારગામ પણ મોકલી દીધો હતો.

થોડો સમય રહી ફરી અહીં પરત આવી ગયો હતો. નશા તેમજ મારામારીના આદી આ બંને ભાઈઓ વચ્ચે ફરી નાની તકરાર થતી રહેતી જેથી તેઓના પિતા બંનેથી કંટાળી ગયા હતાં અને પોલીસને પુત્રોને પકડવા માટે સામેથી ફોન પણ કરતા અને પોલીસે પણ બંને ભાઈઓ ઉપર મારામારી, પ્રોહીબિશનના અનેક ગુન્હાઓ નોંધ્યા હતાં.

બંને ભાઈઓ વચ્ચે ખટરાગ દિવસે ને દિવસે વધતો જ જતો હતો. જેને પગલે આજે સાંજના સમયે સ્ટેન્ડ ચોક વિસ્તાર કે જ્યાં ફૂલોની બઝાર આવેલ છે ત્યાં તેમના વ્યવસાય પર જ બંને ભાઈઓ વચ્ચે માથાકૂટ થઈ હતી.

જેમાં ફૂલોના હારના દોરા કાપવામાં વપરાતી કાતર મોટાભાઈના હાથમાં આવી ગઈ અને બંને વચ્ચે થયેલ ઝપાઝપીમાં મોટાભાઈ સિકંદરથી નાનાભાઈ હારુનની છાતીના ભાગે એક ઘા વાગી ગયો હતો.

જેના પગલે હારુનની છાતીના ભાગેથી લોહીની ધાર થઈ હતી અને ત્યાં જ જમીન પર પડી તડફડવા લાગ્યો અને હોસ્પિટલે સારવાર માટે લઈ જાય ત્યાં જ તેણે દમ તોડી દીધો હતો. આ અંગે સ્થાનિક પોલીસે વધુ કાર્યવાહી હાથધરી છે.