રાજકોટ : સગીરાના બીભત્સ ફોટા વાયરલ કરવાની ધમકી આપી પૈસા માંગનાર શખ્સો ઝડપાયા, યુવતીઓ માટે લાલબત્તી સમાન કિસ્સો

હરિન માત્રાવાડિયા, રાજકોટ :  સોશિયલ મીડિયાની (Social media) ઉપયોગીતા સામે તેનો દૂર ઉપયોગ પણ વધ્યો છે. રાજકોટ માં સોશિયલ મીડિયા પર ઇન્સ્ટાગ્રામ (Instagram) એપ્લિકેશનનો દૂર ઉપયોગ (Cyber crime in rajkot) કરી સગીરાઓ પાસેથી પૈસા પડાવવાની અનોખો કિસ્સો સામે આવ્યો છે. સોશ્યલ મીડીયા પ્લેટફોર્મ ઇન્સ્ટાગ્રામ પર ફેક (Fake instagram id) આઇડી બનાવી સગીરાને પોતાની વાતોની જાળમાં ફસાવી સગીરાના બીભત્સ ફોટાઓ વાયરલ કરવાની ધમકી આપી તોડ કરવાનો પ્રયાસ કરનારા ચોટીલાના હોટલ માલીકના પુત્ર અને તેના મિત્રને સાયબર સેલની ટીમે પકડી લીધા છે.

સાયબર ક્રાઇમ પોલીસ સ્ટેશનમાં એક અરજદારે અરજી આપી હતી તેમાં પોતાની સગીર વયની દીકરીના નામનું ફેક ઇન્સ્ટાગ્રામ આઇડી બનાવી કોઇ અજાણ્યો શખ્સ આ આઇડી ડીલીટ કરવા અને આ શખ્સ પાસે રહેલા પોતાની દીકરીના બીભત્સ ફોટાઓ ડીલીટ કરવા માટે પૈસાની માંગણી કરે છે.

આ મામલે સાયબર ક્રાઇમ વિભાગની ટીમે  આ મામલે છટકુ ગોઠવી દોઢસો ફુટ રીંગ રોડ પર આવેલ આઝાદ હીંદ ગોલાની દુકાનવાળી શેરી પાસેથી પૈસા લેવા માટે આવેલા 19 વર્ષના મીહીર કસુંદરાને પકડી લઇ પુછપરછ કરતા તેના મિત્ર યશ બાંભણીયાને પણ ઝડપી લીધો હતો.

પોલીસે બંન્ને વિરૂધ્ધ આઇપીસી પોકસો એકટ તથા આઇટી એકટ હેઠળ ગુનો દાખલ કરી બંન્નેની ધરપકડ કરી હતી. પકડાયેલા યશ અને મીહીર હોસ્ટેલમાં રહી સાથે અભ્યાસ કરતા હતા તેથી બંન્ને વચ્ચે મિત્રતા થઇ હતી. જેમાં યશ બાંભણીયા હોટેલ માલીકનો પુત્ર છે. બંન્નેનો અભ્યાસ પુર્ણ થતા બંન્ને છુટા પડયા બાદ પણ ફોનમાં કોન્ટેકટ રહેલો હતો.

જેમાં યશ અલગ-અલગ નામે ઇન્સ્ટાગ્રામ આઇડી બનાવી યુવતીઓ સાથે મીઠી વાતો કરી મિત્રતા કેળવી બાદમાં યુવતીઓના નામથી ફેક ઇન્સ્ટાગ્રામ આઇડી બનાવી અને યુવતી અથવા સગીરાના બીભત્સ ફોટાઓ વાયરલ કરવાની ધમકી આપતો અને તે આઇડી ડીલીટ કરવા માટે પૈસાની માંગણી કરતો હતો અને મીહીર પૈસા લેવા માટે જતો હતો.

કોઇ વખત યશ કોલીંગ કરતો ત્યારે સગીરા સાથે યુવતીનો અવાજ કાઢીને વાતો કરતો હતો. આ બંન્ને શખ્સ જબરજસ્તી રીલેશન રાખવા માટે સગીરાને હેરાન-પરેશાન પણ કરતા હતા. હાલતો પોલીસે બંને ની ધરપકડ કરી આગળ કાર્યવાહી હાથ ધરી છે અને સાથેજ આ બંને શખ્સો એ અન્ય કેટલી સગીરાઓ કે યુવતીઓને પોતાની જાળમાં ફસાવી છે અને સાથે જ બંને ના બેન્ક એકાઉન્ટ ની પણ તપાસ કરવામાં આવશે.