Holi In Rajkot: આ છે રંગીલું રાજકોટ, DJના તાલે લોકો ઘુળેટી રમ્યાં, જુઓ રંગોત્સવની તસવીરો

Mustufa Lakdawala,Rajkot : રંગો પર્વ એટલે ધૂળેટી.ત્યારે આજે વહેલી સવારથી જ રોડ-રસ્તા પર અલગ અલગ રંગો જોવા મળી રહ્યાં છે.બીજી તરફ મિત્રો એક બીજાને અબીલ ગલાલ અને હર્બલ રંગો સાથે ધૂળેટીની ઉજવણી કરી રહ્યાં છે.આ સાથે જ હવેલીમાં પણ ધૂળેટીની ઉજવણી રંગે ચંગે કરવામાં આવી રહી છે.

દરેક લોકો એકબીજા ઉપર અબીલ ગુલાલની છોળો ઉડાડી ધુળેટી પર્વની ઉજવણી કરી રહ્યાં છે.

વૈષ્ણવ મંદિરોમાં ડોલોત્સવની ઉજવણી કરવામાં આવી હતી.. જેમાં વૈષ્ણવ મન મૂકીને પ્રાકૃતિક રંગેની એકબીજા પર છોળો ઉડાડી આનંદ માણી રહ્યાં છે.

ખાસ કરીને કૃષ્ણ મંદિરોમાં ધુળેટીના આ તહેવારનું વિશેષ મહત્વ હોય છે. ત્યારે રાજકોટની હવેલી મંદિર અને દ્વારકાધીશ મંદિરમાં ડોલોત્સવની ઉજવણી કરવામાં આવી.ત્યારે દર્શન કરવા મોટી સંખ્યામાં વૈષ્ણવો ઉમટી પડ્યા છે.

સાથે સાથે કેસુડો અબીલ, ગુલાલના કુદરતી કલરો એકબીજા પર નાખી ધૂળેટી પર્વની ઉજવણી કરવામાં આવી રહી છે.

કોરોના સમયમાં 2 વર્ષ ઉજવણીઓથી દૂર રહેલા લોકોએ આ વર્ષે શાનદાર રીતે વિવિધ રીતે હોળી-ધુળેટીની કરી રંગારંગ ઉજવણી કરી હતી.

ક્યાંક કેસુડાના ફુલોથી તો ક્યાંક ગુલાબના પુષ્પોથી તો અનેક જગ્યાએ અબીલ ગુલાલની છોળો ઉડાડીને ઉજવણી કરવામાં આવી રહ્યી છે.

બીજી તરફ રાજકોટમાં પાણીનો પણ બગાડ ના થાય તે માટે અને સ્કિન ખરાબ ના થાય તે માટે કલરથી પણ નહીં પરંતુ હર્બલ ગુલાલથી ધૂળેટીની ઉજવણી કરી રહ્યાં છે.

મોટા-મોટા પાર્ટી પ્લોટની સાથે સોસાયટીઓમાં પણ રંગેચંગે રંગ પર્વની ઉજવણી ચાલી રહી છે.

શહેરમાં માર્ગો પર ધુળેટીના દિવસે આવા દ્રશ્યો જોવા મળ્યા હતા, જેમાં ટ્રાફિકની સાથે સાથે રંગોથી રમતું યુવાધન પણ નજરે પડ્યું હતું.

ત્યારે ડીજે ડાન્સ સાથે વિવિધ સોસાયટીમાં રંગ રસિયા હોળી રમ્યાં હતાં.

બીજી તરફ મિત્રો એક બીજાને અબીલ ગલાલ અને હર્બલ રંગો સાથે ધૂળેટીની ઉજવણી કરી રહ્યાં છે.