રાજકોટઃ પરિણીત સ્ત્રીના પ્રેમમાં પાગલ યુવકનું કારસ્તાન, માસૂમ બાળકનું અપહરણ કરનાર પ્રેમી ઝડપાયો

અંકિત પોપટ, રાજકોટઃ રાજકોટ જિલ્લામાં ગુરૂવારના રોજ અપહરણની (Kidnapping) ઘટના સામે આવી હતી. રાજકોટ જિલ્લાના ધોરાજી તાલુકાના સુપેડી ગામે ચાર વર્ષના માસૂમ બાળકનું અપહરણ કરવામાં આવ્યું હતું. માતાના હાથમાં રહેલ બાળક ઝુંટવીને અપહરણ કરતા બાળકને લઈ મોટર સાયકલમાં નાસી ગયો હતો. સમગ્ર મામલાની જાણ રાજકોટ ગ્રામ્ય પોલીસને થતાં સ્થાનિક પોલીસ (Rajkot rural police) તેમજ ક્રાઈમ બ્રાન્ચ એસ.ઓ.જી સહિતના સ્ટાફ દ્વારા નાકાબંધી કરી દેવામાં આવી હતી. અપહરણની ઘટના માત્ર દોઢ જ કલાકમાં રાજકોટ લોકલ ક્રાઈમ બ્રાંચ (Rajkot local crime branch) દ્વારા અપહરણ કરતાં પાસે રહેલ બાળકને મુક્ત કરાવવામાં આવ્યો હતો. તેમજ બાળકનું તેની માતા સાથે મિલન પણ કરાવવામાં આવ્યું હતું.

સમગ્ર બનાવ અંગે રાજકોટ જિલ્લાના પોલીસ વડા બલરામ મીણા દ્વારા એક પ્રેસ કોન્ફરન્સનું આયોજન કરવામાં આવ્યું હતું. પ્રેસ મીડિયા અને માહિતી આપતા જિલ્લા પોલીસ વડાએ જણાવ્યું હતું કે, આરોપી દિનેશ ભાઈ ધન્યવાદ ભાઈ રાઠોડ મુળ મધ્યપ્રદેશના જાંબુઆ જિલ્લાનો વતની છે.

બાળકની માતા પણ ત્યાંની જ વતની છે. આરોપી તેમજ બાળકની માતા એકબીજા સાથે છેલ્લા ઘણા સમયથી પરિચયમાં છે. આરોપી બાળકની માતાના એક તરફા પ્રેમમાં ઘણા સમયથી છે. આરોપી દ્વારા બાળકની માતાને અનેક વખત પોતાના પ્રેમ સ્વીકારવા બાબતે ધમકી પણ આપવામાં આવેલ છે.

જો બાળકની માતા એક તરફા પ્રેમીની માગણી નહીં સ્વીકારે તો તે પોતે આત્મહત્યા કરી લેશે તેમજ બાળકનું પણ અપહરણ કરી તેને નુકસાન પહોંચાડશે તેવી ધમકી આપતો હતો. એક તરફા પ્રેમીએ ધમકી આપતા જણાવ્યું હતું કે મારા આત્મહત્યાના સમાચાર તમને મારા facebook એકાઉન્ટ દ્વારા જોવા મળશે.

ત્યારે ગુરૂવારના રોજ બાળક જ્યારે પોતાના માતા પાસે હતું. તે સમયે આરોપી ત્યાં આવ્યો હતો. માતા પાસે રહેલ બાળકને ઝૂંટવીને બાઈક પર ત્યાંથી નાસી ગયો હતો. સમગ્ર મામલાની જાણ ગ્રામ્ય પોલીસને થતાં તાત્કાલિક અસરથી ગ્રામ્ય પોલીસે નાકાબંધી કરી હતી. ગણતરીની કલાકમાં અપહરણ કરતાં પાસેથી બાળકને છોડાવી તેની માતાને સોંપવામાં આવ્યો હતો.