રાજકોટઃ ભાઈએ બહેનના પ્રેમીની હત્યા કરી, ઘટનાની જાણ થતાં બહેને હાથ ઉપર મારી બ્લેડ

અંકિત પોપટ, રાજકોટઃ રાજકોટ શહેરમાં (Rajkot crime) એક ચોંકાવનારો અજીબો ગરીબ કિસ્સો સામે આવ્યો છે. રાજકોટ શહેરના ભક્તિનગર પોલીસ સ્ટેશન (Bhaktinagar police station) વિસ્તારની અંદર આવેલા રાધાકૃષ્ણ સોસાયટીમાં બહેનના પ્રેમી (sister boyfriend) પર બહેનના ભાઈએ હિચકારો હુમલો કર્યો હતો. જે સમગ્ર ઘટના હત્યાના (murder) પ્રયાસમાંથી હત્યામાં પરિણમી છે. સારવાર માટે અમદાવાદ (Ahmedabad) ખસેડવામાં આવી રહેલા યુવાનનો રસ્તામાં જ મૃત્યુ નિપજતા બનાવ હત્યામાં પલટાયો છે. ત્યારે સમગ્ર મામલે ભક્તિનગર પોલીસ દ્વારા આઈપીસીની કલમ 302 હેઠળ ગુનો નોંધી આરોપીને સકંજામાં લેવામાં આવ્યો છે.

રાજકોટ શહેરના ભક્તિનગર પોલીસ સ્ટેશન વિસ્તારમાં રહેતા મિથુન અને સુમૈયા બંને એકબીજાના પ્રેમમાં હતા. મંગળવારના રોજ મિથુન અને સુમૈયા મોબાઇલ ફોન દ્વારા એકબીજા સાથે વાતચીત કરી રહ્યા હતા. જે બાબતની જણ સૌમ્યાના ભાઈ શાકીર થતા સાકીરે મિથુનને શેરીમાં બોલાવી તેને બેફામ માર માર્યો હતો.

બેફામ માર મારવાના કારણે મિથુન ને તેના પરિવારજનો દ્વારા સારવાર માટે સિવિલ હોસ્પિટલે ખસેડવામાં આવ્યો હતો. મિથુન ની હાલત ગંભીર હતી તેના કારણે તેને વધુ સારવાર અર્થે અમદાવાદ સિવિલ હોસ્પિટલમાં ખસેડવામાં આવી રહ્યો હતો તે દરમિયાન રસ્તામાં તેનું મોત નિપજ્યું હતું.

સમગ્ર મામલાની જાણ જ્યારે સુમૈયાને થતાં તેણીએ પોતાના શરીર પર બ્લેડથી છરકા મારી આપઘાતનો પ્રયાસ કર્યો હતો. જેના કારણે તેને પણ સારવાર અર્થે હોસ્પિટલે ખસેડવામાં આવી હતી.

બનાવ અંગે ભક્તિનગર પોલીસ દ્વારા જરૂરી પંચનામાની કાર્યવાહી પૂર્ણ કરવામાં આવી છે. તેમજ મૃતક મિથુનની લાશને પોસ્ટ મોર્ટમ અર્થે શહેરની સિવિલ હોસ્પિટલ ખાતે આવેલ પીએમ રૂમ ખાતે ખસેડવામાં આવી છે. પીએમની પ્રક્રિયા પૂર્ણ થયા બાદ મૃતક મિથુનની લાશને તેના પરિવારજનોને સોંપવામાં આવશે.

હાલ ભક્તિનગર પોલીસ દ્વારા ઘટનાસ્થળ પર હાજર રહેલા પ્રત્યેક સદસ્યો તેમજ મૃતકના પરિવારજનોની તેમજ મૃતક ની પ્રેમિકા અને આરોપીની બહેન નું નિવેદન નોંધવા સહિતની પ્રક્રિયા હાથ ધરવામાં આવેલ છે.