જેતપુર :ચીક્કાર દારૂ ભરેલી કાર ધડાકાભેર ટ્રકમાં અથડાઈ, હાઇવે પર બોટલોની મચી લૂંટ

મુનાફ બકાલી, જેતપુર : ગુજરાતમાં દારૂબંધી ફક્ત નામની હોય તેવી ઘટનાઓ અવારનવાર ઘટે છે (Gujarat Liquor Ban) રાજ્યમાં ભાગ્યે જ કોઈ એવો દિવસ હશે જ્યારે દારૂ પકડાયાની ઘટના ન ઘટી હોય. પોલીસની બીક વગર લોકો દારૂની હેરફેર કરે છે અને તેના અનેક ઉદાહરણો સામે આવે છે.જોકે, આજે રાજકોટ-પોરબંદર નેશનલ હાઇવે પર એક અકસ્માત (Accident on Rajkot-Porbandar Highway) થતા ફરીથી દારૂબંધીના ધજાગરા ઉડી ગયા છે. અકસ્માતમાં એક કારનો કચ્ચરઘાણ વળી ગયો. જોકે, આ કારની તપાસ કરવામાં આવતા અંદર ચીક્કાર (Liquor Loaded Car Accident on Rajkot-Porbandar Highway) દારૂ ભરેલો હતો. લોકોએ કારમાંથી દારૂની લૂંટ મચાવતા વરવા દૃશ્યો સામે આવ્યા હતા.

બનાવની વિગતો એવી છે કે રાજકોટ-પોરબંદર નેશનલ હાઇવે પર જેતપુરના ગુંદાળા ગામ પાસે (Liquor Loaded Car Accident neear Jetpur Gundala Highway) આજે બપોરે એક કારનો અકસ્માત થયો હતો. અકસ્માત થતા GJ 03DG7119 કારનો ચાલક કાર મૂકીને ભાગી ગયો હતો. જોકે, લોકો અન્ય કોઈ ઇજાગ્રસ્ત છે કે નહીં એવું ચકાસવા જતા કારમાંથી દારૂનો જથ્થો મળી આવ્યો હતો.

આ તકે પોલીસ પહોંચે તે પહેલાં જ રાદારીઓએ બેશરમ બની અને કારમાંથી દારૂની લૂંટ મચાવી હતી. લોકો હાથમાં આવી એટલી બોટલો લઈને જતા હોય તેવા વાઇરલ વીડિયો પણ કેદ થયા હતા. દારૂની લૂંટના પગલે હાઇવે પર અફરાતફરી મચી ગઈ હતી.

એક મેટાલિક કલરની લક્ઝૂરિયસ કારના કચ્ચરઘાણમાં પણ કેટલીક બચી ગયેલી દારૂની બોટલો જોવા મળી હતી. રાજકોટ આરટીઓ પાસિંગની આ કાર કોની છે? ક્યાંથી નીકળી? ક્યાં જઈ રહી હતી? શું દારૂનું ક્યાંય કટિંગ થયું હતું? વગેરે જેવા સવાલો આ અક્સ્માતના પગલે સામે આવ્યા છે.

હજુ બે દિવસ પહેલાં જ કેશોદ-જૂનાગઢ હાઇવે પર દીવ-જૂનાગઢ બસમાંથી દારૂના 8 થેલા ભરેલા મળી આવ્યા હતા. 215 બોટલ દારૂ પકડાવાની આ ઘટના જૂની નથી ત્યાં વળી એકવાર કારમાંથી દારૂ મળ્યો છે. દારૂબંધીનો કાયદો ફક્ત કાગળ પર છે તે ફરી એકવાર સાબિત થયું છે.