પોરબંદરમાં વાહન ચેકિંગ દરમિયાન અકસ્માત, ચાલુ ફરજે PSIનું મોત

પોરબંદરમાં અકસ્માતમાં ચાલુ ફરજ દરમિયાન પોલીસ સબ ઇન્સ્પેક્ટરનું મોત થયાની ઘટના બની છે. વાહન ચેકિંગ દરમિયાન સ્પિડમાં આવેલી કાર બેરીગેટને અથડાતા બેરીગેટ પીએસઆઇના માથાના ભાગે અથડાતા ગંભીર ઇજાગ્રસ્ત PSIનું ચાલુ ફરજે મોત નીપજ્યું હતું. આ અંગે પોલીસે ગુનો નોંધીને વધુ તપાસ હાથધરી હતી. (પ્રતિષ, શીલુ)

મળતી માહિતી પ્રમાણે આજે મંગળવારથી બે દિવસીય સાગર સુરક્ષા કવચની શરૂઆત થઇ છે.

જેના પગલે પોરબંદરના PSI એ.જી. પાડા ફરજ ઉપર હાજર થયા હતા. તેઓ પોરબંદરની સુભાષનગર જેટી ખાતે વાહન ચેકિંગ કરી રહ્યા હતા.

વાહન ચેકિંગ દરમિયાન સ્પીડમાં આવેલી કોસ્ટગાર્ડની કાર બેરીગેટ સાથે અથડાઇ હતી. જેથી બેરીગેટ ફરજ પર હાજર એ.જી.પાડાના માથાના ભાગે અથડાઇ હતી.

આમ માથાના ભાગે ગંભીર રીતે ઇજાગ્રસ્ત પીએસઆઇને હોસ્પિટલ ખસેડવામાં આવ્યા હતા. જોકે, ફરજ પરના તબીબે મૃત જાહેર કર્યા હતા.

આ અંગે પોલીસે ગુનો નોંધીને વધુ તપાસ હાથધરી છે.