પોરબંદરઃ સાઇક્લોન સેન્ટર બનાવવા સામે ગ્રામજનોનો વિરોધ, વાહનોમાં તોડફોડ

પોરબંદરમાં સાઇક્લોન સેન્ટર બનાવવાને લઇને ગ્રામજનોમાં વિરોધ સર્જાયો છે. આસ્થાના પ્રતિક સમાન ધાર્મિક સ્થળ ઉપર આ સેન્ટર બનાવાતું હોવાના કારણે ગ્રામજનોમા વિરોધ ઊભો થયો છે. ઉસ્કેરાયેલા ગામ લોકોએ કોન્ટ્રાક્ટરના વાહનોમાં તોડફોડ કરી હોવાનું સુત્રો જણાવી રહ્યા છે. ઘટનાની જાણ થતાં જ પોલીસ પણ ઘટના સ્થળે પહોંચી ગઇ હતી.

મળતી માહિતી પ્રમાણે પોરબંદર જિલ્લાના ગામમાં સરકાર દ્વારા સાઇક્લોન સેન્ટર બનાવવામાં આવી રહ્યું છે. ત્યારે આજે કોન્ટ્રાક્ટર પોતાના સાધનો અને ટીમ લઇને આ સેન્ટર માટે કામ ચાલું કહ્યું હતું.

લાંબા સમયથી સરકાર સામે આ સાઇક્લોન સેન્ટર ધાર્મીક જગ્યાના બદલે બીજી જગ્યાએ બનાવવામાં આવે એવી માંગ કરી રહ્યા હતા.

પરંતુ સરકારે પોતાનો નિર્ણય યથાવત રાખ્યો હતો. અને સેન્ટર બનાવવાની કામગીરી હાથધરી હતી. જેના કારણે ગ્રામજનોમાં ઉગ્ર વિરોધ ઉભો થયો હતો.

ઉશ્કેરાયેલા ગ્રામજનોએ સરકારી વાહનોની તોડફોડ કરી હતી. અને એક કારને આગ ચંપી પણ કરી હતી. સાથે સાથે કોન્ટ્રાક્ટર અને અન્ય સરકારી અધિકારીઓને પણ સ્થળ છોડી દેવાની ફરજ પાડી હતી.

ઘટનાની જાણ થતાં જ પોલીસ ઘટના સ્થળે પહોંચી હતી. અને સ્થિતિને કાબુમાં લેવાની કામગીરી હાથધરી હતી.

અધિકારીની સળગતી કાર દ્રશ્યમાં દેખાઇ રહી છે