કોસ્ટગાર્ડની કામગીરી કેવી હોય? નાગરિકોને મધદરિયે લઇ જઇને સમજાવ્યું

કોસ્ટગાર્ડ ડેની ઉજવણી અંતર્ગત પોરબંદરના કોસ્ટગાર્ડ દ્વારા "ડે એટ સી"નુ આયોજન કરવામાં આવ્યુ હતુ. જેમાં પોરબંદર સહિત આસપાસના જિલ્લાના 1200થી વધુ લોકોએ મધ દરિયામાં જઈ અડધો દિવસ કોસ્ટગાર્ડની શીપોમાં વિતાવ્યો હતો અને કોસ્ટગાર્ડના જવાનોની દિલધડક કામગીરીને નિહાળી હતી. (પ્રતિશ શીલુ, પોરબંદર)

ઈન્ડિયન કોસ્ટગાર્ડ દ્વારા દર વર્ષે 1 ફેબ્રુઆરીને કોસ્ટગાર્ડ ડે તરીકે ઉજવવામાં આવે છે. દેશના દરિયા કિનારાની સુરક્ષામાં ચાંપતી નજર રાખતી અને દૂશમનોના દાંત ખાટા કરી દેનાર આપણા ઈન્ડિયન કોસ્ટગાર્ડ વિશ્વભરમાં એક આગવું સ્થાન ઘરાવે છે. કોસ્ટગાર્ડ ડે અંતર્ગત ઈન્ડિયન કોસ્ટગાર્ડ દ્વારા જુદા-જુદા કાર્યક્રમો કરીને ઉજવણી કરવામાં આવતી હોય છે.

કોસ્ટગાર્ડ દ્વારા આયોજીત "ડે એટ સી" અંગે પોરબંદર કોસ્ટગાર્ડના ડી.આઈ.જી આઈ.એચ.ચૌહણે જણાવ્યું હતુ કે, સામાન્ય લોકો પણ ભારતીય કોસ્ટગાર્ડની દરિયાની કામગીરી શું છે કોસ્ટગાર્ડના જવાનો કેવું કામ કરે છે તેની તેઓને જાણ થાઈ તે માટે દર વર્ષે એક વખત આ ડે એટ સીનું આયોજન કરવામાં આવે છે.

પોરબંદરની કોસ્ટ ગાર્ડ જેટી પરથી સવારે કોસ્ટગાર્ડની સમુદ્ર પાવક, અરુષ, રાજ રત્ન, શુર અને અંકીત સહીતની કુલ 7 શીપો દ્વારા લોકોને મધ દરિયામાં લઈ જવામા આવ્યા હતા.આ શીપોમાં ગુજરાતભરમાંથી આવેલા 1200થી વધુ લોકોને મધદરિયે લઈ જઈ કોસ્ટગાર્ડની કામગીરી અને રેસ્કયુ ઓપરેશન સહિતથી લોકોને વાકેફ કરાયા હતા.

કોસ્ટગાર્ડના ચેતક હેલીકોપ્ટર તેમજ ડોનિયર એરક્રાફ્ટ દ્વાર સર્ચ એન્ડ રેસ્કયુ સહિતની એક્સરસારઈઝ કોસ્ટગાર્ડ દ્વારા કરવામાં આવી હતી. ભારતીય કોસ્ટગાર્ડની આવી દીલડધક કામગીરી જોઈને લોકો રોમાચીત થઈ ઉઠ્યા હતા અને તેઓએ ભારતીય કોસ્ટગાર્ડની કામગીરીને બીરદાવી હતી.

દેશની સમુદ્ર તટની સુરક્ષા માટે હર હંમેશ તૈયાર રહેતા કોસ્ટગાર્ડના જવાનો અને અને દરિયામાં કોસ્ટગાર્ડ શીપની કામગીરી અંગે આમ તો અનેક વખત વાતો સાંભળવા મળતી હોય છે પરંતુ દરેક લોકોને કોસ્ટગાર્ડની કામગીરીની પુરી જાણકારી હોતી નથી.

લોકોને કોસ્ટગાર્ડની કામગીરીની જાણકારી મળે તેવા હેતુથી ડે એટ સીનુ આયોજન કરનાર પોરબંદરના કોસ્ટગાર્ડ હેડ ક્વાર્ટરનો આ ડે એટ શી મા આવેલ લોકોએ આભાર માન્યો હતો અને કોસ્ટગાર્ડ જવાનોની કામગીરીને સલામ કર્યા હતા.