પોરબંદરઃ યુવકે પાઇપ વડે બીજા યુવક ઉપર કર્યો હુમલો, જુઓ live તસવીરો

સામાન્ય વાતચીત ક્યારેક ઉગ્ર સ્વરૂપ ધારણ કરી લેતી હોય છે. ‘હસામાંથી ખસવું થવું’ આ કહેવતને સાર્થક બનાવતી ઘટના પોરબંદરમાં બની છે. મળતી માહિતી પ્રમાણે પોરબંદર જિલ્લાના રાતડી ગામમાં એક વ્યક્તિને બીજી વ્યક્તિની મશ્કરી ભારે પડી હતી. મજાક મજાકમાં વાતચીત ઉગ્ર બની હતી અને એક યુવકે બીજા યુવક ઉપર પાઇપ વડે હુમલો કર્યો હતો. પાઇપના પ્રહારથી પુરુષ બેસુદ થઇ ગયો હતો.

મળતી માહિતી પ્રમાણે પોરબંદર જિલ્લાના રાતડી ગામમાં એક યુવકનો બીજા યુવક ઉપર પાઇપ વડે હુમલો કરવાની ઘટનાનો વીડિયો સામે આવ્યો છે. આ વીડિયો શુક્રવારે આખી ઘટના ચાલતી હતી ત્યારે અન્ય એક સ્થાનિકે પોતાના મોબાઇલમાં ઉતાર્યો હતો.

સુત્રોના જણાવ્યા પ્રમાણે ગુત શુક્રવારે સાંજના સમયે રાતડી ગામમાં બે યુવકો વચ્ચે કોઇ મુદ્દાને લઇને વાતચીત ચાલતી હતી. આ મજાક મશ્કરીએ જોતજોતામાં ઉગ્ર સ્વરૂપ ધારણ કરી લીધું હતું. બંને યુવકો ઉગ્ર થઇ ગયા હતા.

વીડિયોમાં દેખાય છે તેમ એક યુવકના હાથમાં સફેદ રંગની પાઇપ છે. જ્યારે બીજો આદેડ વયનો પુરુષના હાથમાં કંઇ ન્હોતું. બંને વચ્ચે વાતચીત ચાલી રહી છે. હાથમાં પાઇપ પકડેલા યુવકે સામે રહેલા પુરુષના માથાના ભાગે પાઇપથી જોરથી હુમલો કર્યો હતો. હુમલો કરતાની સાથે જ આધેડ પુરુષ બેભાન થઇને જમીન ઉપર પટકાયો હતો. આ ઘટનાની સાથે જ લોકો એકઠાં થયા હતા. અને આ આધેડ પુરુષને સલામત સ્થળે લવાયો હતો. જોકે, આશરે અડધા કલાકનો સમય પસાર થતાં આ પુરુષ ભાનમાં આવ્યો હતો.

સુત્રોના જણાવ્યા પ્રમાણે રાતડી ગામના સરપંચ સાથે વાત થતાં આ બંને પુરુષ રાતડી ગામમાં છે. કોઇ બાબાતને લઇને તેમના વચ્ચે બોલાચાલી થઇ હતી. હુમલાની આ ઘટના બાદ બંને પરિવારો વચ્ચે સરપંચની મધ્યસ્થીમાં સમાધાન કરાયું હોવાની પણ માહિતી મળી રહી છે.