પંચમહાલ : જીમીરા રિસોર્ટમાં જુગારની પાર્ટીમાં દરોડા, BJP MLA કેસરીસિંહ-મહિલાઓ સહિત 26 ઝડપાયા

રાજેશ જોશી, પંચમહાલ : ખેડાના (Kheda) માતરના (Matar) ભાજપી ધારાસભ્ય કેશરીસિંહ સોલંકી (BJP MLA Kesri Sinh solanki) અને સાત મહિલાઓ સહિત કુલ 26 વ્યક્તિઓ હાલોલના શિવરાજપૂર જીમીરા રિસોર્ટમાં જુગાર રમતાં રંગે હાથ પંચમહાલ એલસીબીએ ઝડપી લીધા છે.પોલીસે 3.80 લાખ રોકડા,1.15 કરોડની આઠ ગાડીઓ અને છ બોટલ વિદેશી દારૂ કબ્જે લીધો છે.ઉલ્લેખનીય છેકે જુગારની મહેફિલ માણતા ઝડપાયેલા ધારાસભ્ય એક તબક્કે મીડિયાના કેમેરા સામે મોઢું છુપાવવાનો પ્રયાસ કર્યો હતો

દરમિયાન મીડિયાએ ધારાસભ્ય કોણ એમ પૂછતાં જ ધારાસભ્ય નિર્લજ્જ બની હું છું એમ બોલી ઉઠ્યા હતા.ખેર !આ તમામ ગતિવિધિઓ વચ્ચે અંતે ભાજપી ધારાસભ્યનો ભોગ કોણે અને કેમ લીધો એ રહસ્ય હાલ તો અકબંધ છે.

પંચમહાલ જિલ્લાના હાલોલના શિવરાજપૂર ખાતે આવેલા જીમીરા રિસોર્ટમાં જુગાર રમાઈ રહ્યો હોવાની બાતમી પંચમહાલ એલસીબીને મળી હતી. જે આધારે એલસીબી અને પાવાગઢ પોલીસે રિસોર્ટ ખાતે ગુરુવારની મોડી સાંજે છાપો માર્યો હતો.દરમિયાન રિસોર્ટના એક રૂમમાં ખેડા જિલ્લાના માતરના ધારાસભ્ય કેશરીસિંહ સોલંકી ,સાત મહિલાઓ અને અન્ય નબીરાઓ મળી કુલ 26 વ્યક્તિઓ મળી આવ્યા હતા.

જેઓ દ્વારા કોઈન વડે કેસીનો જુગાર રમી રહ્યા હોવાનું જણાય આવ્યું હતું.વળી જુગાર રસિયાઓ પાસે છ વિદેશી દારૂની બોટલ મળી આવી હતી જે જોઈ પોલીસ ચોંકી ઉઠી હતી.પોલીસે તમામની તપાસ કરતાં 3.80 લાખ રોકડા મળ્યા હતા.પોલીસે પ્લાસ્ટિકના કોઈન ,પત્તાની કેટ અને ધારાસભ્ય ફોર્ચુનર કાર સહિત કુલ આઠ વાહનો કબ્જે લીધા છે.

માતરના ધારાસભ્ય કેશરીસિંહ સોલંકી સહિત ગુરુવારે બપોરે શિવરાજપૂર સ્થિત જીમીરા રિસોર્ટ ખાતે આવી પહોંચ્યા હતા.તેઓ સાથે સાત મહિલાઓ હતી જે પૈકી ચાર નેપાળની યુવતીઓ હતી. વિદેશી દારૂ અને નેપાળી યુવતીઓ સાથે જુગારની મહેફિલ માણવા છેક શિવરાજપૂર આવેલા ધારાસભ્યના રંગમાં પોલીસની એન્ટ્રીથી ભંગ પડી ગયો હતો.

પોલીસે ધારાસભ્ય સહિત સામે કાર્યવાહી માટે મોડી રાત્રી સુધી રિસોર્ટમાં કામગીરી જારી રાખી હતી. માતરના ભાજપી ધારાસભ્ય જુગારની મહેફિલ માણવા છેક શિવરાજપૂર આવી પહોંચ્યા હતા જેઓની મહેફિલની રંગત જામવાની વેળાએ જ પોલીસે અચાનક એન્ટ્રી કરી હતી.

આ બાબત જ મોટું રહસ્ય સર્જી રહી છે.સામાન્ય સંજોગોમાં આવી મહેફિલ રિસોર્ટમાં યોજાતી હોવાની શક્યતાઓ નકારી શકાય એમ નથી !! પરંતુ બીજી તરફ એક સવાલ એ પણ થાય કે રિસોર્ટ સંચાલકે પણ કોના બેક ગ્રાઉન્ડ થકી પોતાના રિસોર્ટમાં જુગાર રમવા અને વિદેશી દારૂ સાથે પ્રવેશ આપવા હિંમત કરી એ પણ વિચારવા જેવી બાબત છે.

આ મહેફિલના આરોપમાં પોલીસે હર્ષદભાઈ લાલજીભાઈ પટેલ રહેવાસી અમદાવાદ , 2 જયેશભાઈ રમેશભાઈ આકોલિયા રહેવાસી અમદાવાદ, 0 3. પ્રમોદ સિંહ વિરેન્દ્રસિંહ ક્ષત્રિય રહેવાસી અમદાવાદ, 4. જયેશભાઈ લાલજીભાઈ પટેલ વાડી રહેવાસી અમદાવાદ ,5. ગીરીશભાઈ કાશીરામ પટેલ રહેવાસી અમદાવાદ

6. રાજેન્દ્ર ભાઈ લાલજી ભાઈ પટેલ રહેવાસી અમદાવાદ , 7. રોમાં કેદાર બસનંત રહે ગાંધીનગર મૂળ નેપાલ, 8. મંજુ કુસુમ પંત રહેવાસી ગાંધીનગર મૂળ નેપાળ. 9. હર્ષાબેન દીપેનભાઈ ગોરીયા રહેવાસી સુરત, 10. નીતાબેન વજુભાઇ પટેલ રહેવાસી સુરત, 11. દિપેનભાઇ બાબુભાઈ પટેલ રહેવાસી અમદાવાદ

12 પ્રફુલભાઈ રામાભાઈ પટેલ રહેવાસી અમદાવાદ, 13 અનિલભાઈ રમેશભાઈ આકોલિયા રહેવાસી અમદાવાદ, 14 નિમેષભાઈ ધીરુભાઈ પટેલ રહેવાસી અમદાવાદ , 15 મોનાર્ક ગણપતભાઈ પટેલ ( ધાણાની ) રહેવાસી અમદાવાદ, 16 વિક્રમ મણિસિંહ બસનંત રહેવાસી ગાંધીનગર મૂળ રહે નેપાલ,

17 શૈલેષભાઈ કાનજીભાઈ માયાણી , રહેવાસી સુરત, 18. સંજયભાઈ બળદેવભાઇ પટેલ રહેવાસી અમદાવાદ, 19. મંજુબેન રામુલભાઈ સીવાલ રહેવાસી નેપાલ, 20. પીનાબેન હર્ષદભાઈ પટેલ રહેવાસી અમદાવાદ , 21 .બબીતા ગણેશભાઈ પોખરેલ રહે અમદાવાદ, 22. મહેન્દ્રભાઈ મણીભાઈ પટેલ રહેવાસી આણંદ

23. જયેશભાઈ રતિભાઈ કાછડીયા રહેવાસી વડોદરા, 24 વિક્રમ ભાઈ જેઠા ભાઈ પરડવા રહેવાસી જુનાગઢ હાલ વડોદરા, 25. પ્રકાશભાઈ લાલજીભાઈ ચોડવડીયા રહેવાસી અમદાવાદ , 26. કેસરીસિંહ જેસીંગભાઇ સોલંકી રહેવાસી ખેડા. ( ધારાસભ્ય માતર )