પંચમહાલ: હાલોલમાં રહિશો જાતે જ રાત્રે ફેરી કરી કરે છે સોસાયટીની સુરક્ષા, તસ્કરોએ મચાવ્યો છે તરખાટ

રાજેશ જોષી, પંચમહાલઃ પંચમહાલના (panchmahal) ઔદ્યોગિક નગર ગણાતા હાલોલના (halol) રહિશો ચોરીની સતત બનતી ઘટનાઓથી ભયભીત બની છેલ્લા અંદાજીત 15 દિવસથી રહિશો જાતે જ રાત્રી રોન ફરી સોસાયટીની સુરક્ષા (protect society) કરવા કરી રહ્યા છે. હાલોલની વિવિધ સોસાયટીઓમાં રહિશો રાત્રી દરમિયાન હાથમાં ડંડા સહિતના હથિયારો સાથે રાત્રી દરમિયાન ફેરી લગાવી આત્મરક્ષા કરી રહ્યા છે.

હાલોલ નગરની સરદાર નગર, શ્રીજી સોસાયટી,અયોધ્યા નગર અને રણછોડ નગર જેવી વિકસિત અને મોટી સોસાયટીઓ માં છેલ્લા કેટલાક દિવસો થી  તસ્કર ટોળકીઓ એ આતંક મચાવ્યો છે. દિવસ દરમ્યાન રેકી કરી રાત્રીના બંધ મકાનોને નિશાનો બનાવી તેમાં ચોરી કરી ફરાર થઇ જતા તસ્કરો માટે આ સોસાયટીઓમાં જાણે ચોરી કરવા માટે મોકળું મેદાન મળી ગયું હોય તેમ છેલ્લા કેટલાક દિવસોથી સતત ચોરી, મકાનોના તાળા તોડવા જેવી ઘટનાને અંજામ આપી રહ્યા હતા.

લગ્ન પ્રસંગે રાજસ્થાન ગયેલ એક પરિવારના મકાનને ટાર્ગેટ બનાવી તેમાંથી લાખ્ખોની મત્તા ચોરી કર્યા બાદ આ વિસ્તારમાં ચોર ટોળકીને ફાવટ આવી ગઈ હોય તેમ દરરોજ કોઈક ને કોઈક ઘરને પોલીસના કોઈ ડર વિના જ બેફીકર થઇ નિશાન બનાવતા હતા. સતત ચોરીની ઘટનાઓને લઇ પોલીસે આ વિસ્તારમાં પેટ્રોલિંગ તો વધાર્યું છે પણ તે નિરર્થક છે. કારણ કે ચોર ઈસમો ને તેનો ડર જ નથી.

પેટ્રોલિંગ હોવા છતાં તાળા તુટવાની ઘટના બંધ ન થતા આખરે સોસાયટીઓના રહિશો એ જાતે જ પોતની સુરક્ષા કરવાનું નક્કી કર્યું. સરદાર નગર, શ્રીજી સોસાયટી, અયોધ્યા નગર અને રણછોડ નગર અને આસપાસના વિસ્તારમાં અંદાજીત 350 કરતા વધુ મકાનો આવેલા છે,અહી અંદાજીત 2000 કરતા વધુ રહિશો વસવાટ કરે છે. ચોરી ની સતત બનતી ઘટનાઓથી છુટકારો મેળવવા માટે પોલીસના ભરોસે ન બેસી રહી રહિશો એ આયોજન બદ્ધ રીતે આખી રાત્રી દરમ્યાન જાતે જ ફેરી કરવાનું નક્કી કર્યું છે.

એક સપ્તાહની શિફ્ટ પ્રમાણે 25 વ્યક્તિઓના અલગ અલગ ગ્રુપ બનાવી લગભગ 200થી વધુ લોકો પોતાના વારા પ્રમાણે હાથમાં લાકડી અને ડંડા સાથે સોસાયટીઓમાં ફેરી લગાવી સુરક્ષા બાબતે અન આત્મનિર્ભર બની પોતાની સુરક્ષા જાતે જ કરી રહ્યા છે. ત્યારે પોલીસ દ્વારા આ વિસ્તાર માં વધુ રાત્રી પેટ્રોલિંગ વધારી ને સુરક્ષા પૂરી પાડવા માં આવે તેવી માંગ હાલોલ ના રહીસો કરી રહ્યા છે.