દેશનુ પ્રથમ ડીઝીટલ ગામ સાબરકાંઠાનું પુંશરી હવે એલ.ઇ.ડી. ગામ બનશે, કરશે વીજળીની બચત

હિંમતનગરઃસાબરકાંઠા જીલ્લો તમામ રીતે દેશમાં મોખરાનુ સ્થાન પ્રાપ્ત કરવા તત્પર જ હોય છે અને જીલ્લાના ગામડા કીના કઈ રીતે જીલ્લાનુ નામ ભારત ભરમાં પ્રચલિત કરી રહ્યા છે આમ તો શ્રેષ્ઠ અને આદર્શ ગામ તરીકે ઓડખાતુ આ ગામ હવે દેશનુ પ્રથમ એલ.ઈ.ડી ગામ બનવાની શરુઆત કરી રહ્યુ છે ગામમાં તમામ ઘરોમાં એલઈડી લાઈટ લગાવીને ગામના લોકોના લાઈટબીલમાં ઘટાડો કરવાનુ પુંસરી પંચાયતે શરૂઆત કરી છે.

સાબરકાંઠા જીલ્લામાં દેશનુ પ્રથમ ડીઝીટલ ગામ, દેશનુ શ્રેષ્ઠ ગામ દેશની પ્રથમ એનિમલ હોસ્ટેલ તો વાઈફાઈ તાલુકો આ તમામ સુવિધાઓથી ભારત ભરમાં જીલ્લાનુ નામ થઈ ગયુ છે. તો સાબરકાંઠાનુ પુંસરી ગામ એટલે ગામડામાં નવીન સુવિધાઓ આપવાની પહેલ કરતુ અનોખુ ગામ, અનોખા એવા પુંસરી ગામે દેશ અને દુનિયાના નક્શા પર એક અલગ ઓળખ ઉભી કરી છે અને જેને લઇને પુંસરી ગામે રાજ્ય અને દેશમાં અનેક પુરસ્કાર મેળવ્યા છે.

પરંતુ હવે પુંસરી ગામે વિકાસની ગતી સાથે હવે ઉર્જા બચાવની કામગીરી હાથ ધરી છે. ગ્રામપંચાયતે કેન્દ્ર અને રાજ્યસરકારની મદદ થી એલઇડી ટ્યુબલાઇટનો પ્રોજેક્ટ પુંસરી ગામમાં શરૂ કરાયો છે જે પમ્રાણે તમામ ઘરે ઘરે ગ્રામ પંચાયત દ્રારા વિજળી બચાવવા માટે એલઇડી લાઇટ ફીટ કરવામાં આવી છે.

જેમાં પ્રથમ તબક્કામાં હાલ તમામ ઘરે એક એક એલઇડી ટ્યુબ લાઇઠ લગાડવામાં આવી રહી છે જેના ઘરે જુની અને સાદી ટ્યુબલાઇટો લગાડાઇ છે તેને દુર કરીને તેને સ્થાને એલઇડી લાઇટ ફીટ કરવામાં આવી છે જે પ્રમાણે તેના થી ગામના વિજબીલની કુલ રકમ માં તો ફાયદો થશે જ સાથે હવે વિજ પુરવઠો પણ ઓછો વપરાશ થવાને લઇને અડધોઅડધ વિજ ઉર્જાનો પણ બચાવ થશે,

તો બીજા તબક્કાકમાં પણ ફરી થી વધુ એક એક એલઇડી લાઇટ પણ તમામ ઘરોમાં ફીટ કરાશે આમ તમામ ઘરમાં બે બે એલઇડી ટ્યુબ લાઇટ લગાડવામાં આવશે અને જેને લઇને વિજ વપરાશમાં નોંધપાત્ર ઘટાડો સર્જાશે અને જેના થી વિજ ઉર્જામાં બચત થશે તો ગ્રામ જનો ને પણ હવે વિજબીલમાં પણ ખુબ જ રાહત સર્જાશે.