Accident: પાટણના ચાણસ્મા હાઈવે પર કારનો અકસ્માત, વરરાજાના પિતા, કાકા અને ભાણીના મોતથી માતમ છવાયો

અસરફ ખાન, પાટણઃ ગુજરાતમાં માર્ગ અકસ્માતો (Road Accident) દરરોજ થતા રહે છે ત્યારે ઉત્તર ગુજરાતના પાટણમાં (Patan) એક કમકમાટી ભર્યો અકસ્માત સર્જાયો હતો. અહીં ચાણસ્મા હાઈવે પર જતી ઈકો કારનું ટાયર ફાટતાં ઈકો કાર પલટી મારી ગઈ હતી. જેના પગલે ગમખ્વાર અકસ્માત સર્જાયો હતો. અકસ્માતમાં એક જ પરિવારના ત્રણ સભ્યોના (3 people died) મોત નીપજ્યા હતા જ્યારે અન્ય પાંચ લોકો ઈજાગ્રસ્ત થતાં સારવાર અર્થે ખસેડાયા હતા. લગ્નવાળા ઘરમાં (marriage home) એક સાથે ત્રણ લોકોના મોતથી લગ્નની શરણાઈઓના સૂર માતમમાં ફેરવાયા હતા.

ઘટના અંગે વધુ મળતી માહિતી પ્રમાણે પાટણ જિલ્લાના સાંતલપુર તાલિકાના અબિયાણા ગામમાં રહેતા ભીખાભાઈ નાયીના પુત્ર ભરતના લગ્ન હોવાથી ઘરમાં લગ્નનો માહોલ હતો. ઘરમાં મહેમાનો અને અન્ય સભ્યો ખુશ વર્તાઈ રહ્યા હતા. ઘરમાં મહેમાનોને ભોજપ પીરસાઈ રહ્યું હતું. તેવામાં એક ચોંકાવનારા સમાચાર આવતા જ આખા ઘરમાં સન્નાટો છવાયો હતો.

ચાણસ્મા હાઈવે ઉપર પરિવારના સભ્યો ભરેલી ઈકો કારને અકસ્માત નડ્યો હતો. ઈકો કારનું ટાયર ફાટતા કાર પલટી મારી જતાં ગમખ્વાર અકસ્માત સર્જાયા હતો. અકસ્માતમાં અકસ્માતમાં જે ઘરના મોભી અને વરરાજાના પિતા એવા ભીખાભાઈ, કાકા સોમાભાઈ અને ભાણીનું અકસ્માતમાં મોત નીપજ્યું હતું.

આ ઉપરાંત કારમાં સવાર નાયી પરિવારના અન્ય પાંચ સભ્યોને ઈજાઓ પહોંચતા સારવાર અર્થે હોસ્પિટલમાં મોકલ્યા હતા. વધુ મળતી માહિતી પ્રમાણે નાયી પરિવારમાં ચાર બહેનો વચ્ચે એકના એક ભાઈના હર્ષો ઉલ્લાસ સાથે લગ્ન થઈ રહ્યા હતા.

પરંતુ ઘરે લગ્નના ઢોલ નગારા વાગે એ પહેલા જ અકસ્માત રૂપી કાળ પરિવારના મોભી, કાકા અને ભાણીને ભરખી જતાં પરિવારમાં હૈયા ફાટ રુદન થઈ રહ્યું છે. ચાણસ્માના ગ્રામ્ય વિસ્તારમાં લગ્ન અવસરે ગયેલા નાયી પરિવારની કારણને અકસ્માત નડતાં ત્રણ સભ્યોના મોતથી આખું અબીયાણા ગામ હિબકે ચડ્યું હતું.

પરિવારના સભ્યોમાં વરરાજા એવા ભરતભાઈ ઘરે હતા. પોલીસને આ અંગે જાણ થતાં પોલીસે આગળની કાર્યવાહી હાથધરી હતી. બીજી તરફ હોસ્પિટલમાં પરિજનોના ટોળા ઉમટ્યા હતા.