બનાસકાંઠાઃ 10 શિક્ષકો ભરેલી જીપ અને કાર વચ્ચે અકસ્માત, એકનું મોત

બનાસકાંઠાના ડીસા પાલનપુર હાઇવે ઉપર બોલેરો અને કાર વચ્ચે અકસ્માત સર્જાયો હતો. જેમાં એક શિક્ષકનું મોત નીપજ્યું હતું. જ્યારે 9 શિક્ષકોને ઇજાઓ પહોંચતા સારવાર માટે સિવિલ હોસ્પિટલ ખસેડવામાં આવ્યા હતા. શિક્ષકો ભરેલી કારને અકસ્માત થવાની જાણ થતાં જ પરિવારજનો સિવિલ હોસ્પિટલ દોડી આવ્યા હતા. (આનંદ જયસ્વાલ, બનાસકાંઠા)

મળતી માહિતી પ્રમાણે બનાસકાંઠાના ડીસા - પાલનપુર હાઇવે ઉપર બોલેરો જીપ અને કાર વચ્ચે અકસ્માત સર્જાયો હતો.

જેના પગલે એક શિક્ષકનું મોત નીપજ્યું છે જ્યારે નવ શિક્ષકોને નાની મોટી ઇજાઓ પહોંચી હતી.

તમામ નવ ઇજાગ્રસ્ત શિક્ષકોને સારવાર માટે પાલનપુર સિવિલ હોસ્પિટલ ખસેડવામાં આવ્યા હતા.

એક સાથે 10 જેટલા શિક્ષકોને અકસ્માત નડવાની ઘટનાથી પરિવારજનો પાલનપુર સિવિલ હોસ્પિટલ દોડી આવ્યા હતા.