

ગીતા મહેતા, ગાંધીનગર : મહિલા બાળ વિકાસ વિભાગ દ્વારા આંગણવાડી કાર્યકર તેડાગર બહેનોની Online નિમણૂંક માટે મંત્રી વિભાવરીબેન દવે દ્વારા વેબ પોર્ટલ આજે લોન્ચ કરવામાં આવ્યું છે. ભારતભરમાં ગુજરાત આ પ્રકારે આંગણવાડી કાર્યકર, તેડાગરની Online વેબ પોર્ટલ દ્વારા ભરતી કરનાર એકમાત્ર અને પ્રથમ રાજ્ય બની રહેશે.


આંગણવાડી કાર્યકર, તેડાગરની નિમણુંક હવેથી Online કરાશે.આ નિમણુંકની પ્રક્રિયામાં એપ્લાય ઓનલાઇન કરવાનું રહેશે સાથે દસ્તાવેજી જરૂરી આધાર પુરાવાઓ ઓનલાઇન સબમીટ કરવાના રહેશે. નિમણુંક પણ ઓનલાઇન અપાશે


ઓનલાઇન પ્રક્રિયાને અનુસરવામા પ્રશ્ન એ પણ થાય કેગામડામાં બેઠેલી ટેકનોલોજીથી અજાણ ઓછું ભણેલી બેહેનો ઓનલાઇન કેવી રીતે અરજી કરી શકશે ? તો તે માટેની વ્યવસ્થા પણ મહિલા બાળ વિકાસ વિભાગ દ્વારા કરાઇ છે. દરેક ગ્રામ પંચાયતમાં કાર્યરત VCA વિલેજ કોમ્પ્યુટર, વ્યક્તિ બહેનોને Online અરજી કરવાની સમગ્ર પ્રક્રિયા કરાવી આપશે.


આ નિમણુંક પત્ર પણ ઓનલાઇન જનરેટ થશે અને તે બહેનો સુધી પહોંચશે. આ પ્રક્રિયામાં અપીલની પણ વ્યવસ્થા કરવામાં આવી છે. અપીલ પણ Online કરાશે નિમણુંક પત્ર આપતાં પહેલાં 10 દિવસનો સમય કોઇ અરજદાર બહેન ને તેને અન્યાય થયાનું કે કોઇ બાબત ચુકાઇ ગયાનું ધ્યાન પર આવશે તો તે અપીલ સમિતી સમક્ષ ઓનલાઇન અપીલ કરી શકશે અને ૧૦ દિવસમાં આ સમિતિ તે ફરીયાદી બહેનને અપીલનો જવાબ પણ ઓનલાઇન જ આપી દેવાશે.


કોઇ બહેનને ઇન્ટરવ્યુંમાં કે રૂબરૂ બોલાવવાની જરૂરિયાત રહેશે નહી.રાજ્ય લેવલથી વર્ષમાં ત્રણથી ચાર વાર આ ભરતી પ્રક્રિયા કરાશે અને તેમાં આવનાર છ માસમાં સંભવીત ખાલી પડનાર જગ્યાનો પણ સમાવેશ કરવામાં આવશે.


અત્યાર સુધી ચાલતી ઓફ લાઇન પ્રક્રિયામાં ખાલી પડેલી જગ્યા પછી આ લાંબી પ્રક્રિયા દરમ્યાન લાંબા સમય સુધી આ જગ્યાઓ ખાલી રહેતી હતી જેથી મહિલા અને બાળ વિકાસની લાભો સેવાઓ લોકો સુધી પહોંચાડી શકવામાં પણ તકલીફ પડતી હતી આ બધી બાબતોનો આ Online ભરતી પ્રક્રિયાથી અંત આવશે. અને યોગ્ય મેરીટ આધારીત પસંદગી થશે. જગ્યાઓ લાંબા સમય સુધી ખાલી રહેવાની શક્યતાઓ નહીવત બનશે.