હોળી અને ધુળેટીની રજા બાદ આજે બોર્ડનાં વિદ્યાર્થીઓને અઘરા લાગતા વિષયોની પરીક્ષા

ગાંધીનગર : હાલ ધોરણ 10 અને 12ની ગુજરાત બોર્ડની પરીક્ષા (Board Exam) ચાલી રહી છે. ત્યારે આજે ત્રણ દિવસની રજા (Holiday) બાદ ધોરણ 10માં ગણિત (Mathas) , ધોરણ 12 કોમર્સમાં અર્થશાસ્ત્ર (Economics) અને ધોરણ 12 સાયન્સમાં જીવવિજ્ઞાનનું (biology) પ્રશ્નપત્ર છે. આ ત્રણેય વિષય મોટાભાગનાં બાળકોને અધરા લાગતા હોય છે. તો શું હોળી અને ધુળેટીનાં તહેવારો બાદ આટલા અધરા પેપર રાખવા કેટલા યોગ્ય છે? તે પણ સવાલ છે. ધુળેટીએ બાળકોનાં મનગમતા તહેવારોમાનો એક ઉત્સવ છે. જો CBSCની વાત કરીએ તો, ધુળેટી બાદ એક રજા આપીને પછી એટલે 12મી તારીખેને ગુરૂવારે ધોરણ 10નું ગણિતનું પેપર રાખેલું છે.

નોંધનીય છે કે, ધોરણ 10માં કુલ 10.83 લાખ વિદ્યાર્થીઓ પરીક્ષા આપશે, જ્યારે ધોરણ 12 વિજ્ઞાન પ્રવાહમાં કુલ 1.43 લાખ અને ધોરણ 12 સામાન્ય પ્રવાહમાં કુલ 5. 27 લાખ વિદ્યાર્થીઓ પરીક્ષા આપશે. વિદ્યાર્થીઓ શાંતીપૂર્ણ રીતે પરીક્ષાઓ આપી શકે તે અર્થે ગુજરાત માધ્યમિક શિક્ષણ બોર્ડ દ્વારા તમામ પ્રકારની તૈયારીઓ કરવામાં આવી છે.

જે સ્કૂલોમાં પરીક્ષા કેન્દ્રો ફાળવવામાં આવ્યા છે ત્યાં વર્ગખંડોમાં CCTVની વ્યવસ્થા પણ કરવામાં આવી છે.

137 ઝોન 1587 કેન્દ્ર 5559 બિલ્ડીંગ 60 હજાર 27 વર્ગ ખંડમાં પરીક્ષા થવાની છે. જેલના કેદીઓ માટે જેલમાં વ્યવસ્થા કરી ધોરણ 10ના 125 અને 12ના 50 કેદીઓ માટે વ્યવસ્થા કરાઈ છે. દિવ્યાંગ માટે ગ્રાઉન્ડ ફ્લોર પર વ્યવસ્થા છે. આ ઉપરાંત પ્રજ્ઞા ચક્ષુઓ માટે બ્રેનલિપીની વ્યવસ્થા કરવામાં આવી છે.