બનાસકાંઠાઃ વાસણ ગામમાંથી 2 યુવકોનું અપહરણ, છ લોકો ઝડપાયા, માંગી હતી રૂ.15 લાખની ખંડણી

આનંદ જયસ્વાલ, બનાસકાંઠા : બનાસકાંઠાના (Banaskantha news) વાસણ ગામેથી (Vasan village) બે યુવકોનું અપહરણ અને લૂંટ (Kidnapping and robbery) કરી 15 લાખ રૂપિયાની ખંડણી માંગી હોવાની ઘટના સામે આવી છે બનાવને પગલે જિલ્લા એલસીબી અને ધાનેરા પોલીસે (Dhanera police) સાથે મળી અલગ અલગ ટીમો બનાવી અપહરણકરોની ચુંગાલમાંથી બંને યુવકોને છોડાવ્યા છે. તેમજ અપહરણ કરનાર છ શખ્સોની પણ અટકાયત કરી વધુ કાર્યવાહી હાથ ધરી છે.

ધાનેરા તાલુકાના વાસણ ગામેથી બે યુવકોનું અપહરણ કરી 15 લાખ રૂપિયાની ખંડણી માંગી હોવાની ઘટના બની છે. વાસણ ગામે રહેતા દિનકર મકવાણા, વિજય ઉદેલ નામના બે  યુવકોનું છ જેટલા શખ્સો અપહરણ કરી ગયા હતા.

ઘટનાની જાણ થતા જ બનાસકાંઠા જિલ્લા એલસીબી અને ધાનેરા પોલીસે સાથે મળી અલગ અલગ ટીમો બનાવી તપાસ શરૂ કરી હતી. ટેકનિકલ સર્વેલન્સ અને હ્યુમન સેન્સ ના આધારે ઝીણવટ ભરી તપાસ કરતાં અપહરણ કરનાર ગેંગ રાજસ્થાનના રાણીવાડા પાસે હોવાનું જાણવા મળ્યું હતું.

જેથી પોલીસે રાણીવાડાના મૈત્રીવાડા ગામ પાસે આવેલ ગુરુકૃપા હોટેલ એન્ડ ગેસ્ટ હાઉસમાં છુપાયેલા અપહરણકરોને શોધી કાઢી તેમની ચુંગલમાંથી બંને યુવકોને ઇલધડક રીતે સહી-સલામત છોડાવ્યા હતા.

પ્રાથમિક તપાસ કરતા અપહરણકારોએ બંને યુવકોને લૂંટના ઇરાદે અપહરણ કરી તેમની પાસેથી સોનાની ચેન , લોકેટ અને મોબાઇલની લૂંટ આચરી હતી તેમજ તેમના યુવકો પાસે 15 લાખ રૂપિયાનાં ખંડણી પણ માંગી હતી જેથી પોલીસે લૂંટેલો દાગીના અને મોબાઈલ સહિત મુદામાલ જપ્ત કરી અપહરણકારો ની અટકાયત કરી વધુ તપાસ હાથ ધરી છે.