આનંદ જયસ્વાલ, બનાસકાંઠા : ગુજરાતીઓના સૌથી મનપસંદ એવા રાજસ્થાનના માઉન્ટ આબુ હિલ સ્ટેશન પર એક હોટલ ના સંચાલકોએ ગુજરાતી પર્યટકોને દોડાવી દોડાવીને માર્યા હોવાની ઘટના સામે આવી છે. જેમાં ત્રણ પર્યટકોને ગંભીર ઈજા પહોંચતા આબુરોડ પોલીસે ત્રણેય ઈજાગ્રસ્ત યુવકને સારવાર અર્થે ખસેડી આગળની કાર્યવાહી હાથ ધરી છે.
ગુજરાતીઓનું સૌથી વધુ પસંદીતા અને નજીકનું હિલ સ્ટેશન એટલે માઉન્ટ આબુ. અને અહીં વર્ષે દા'ડે લાખો ગુજરાતીઓ ફરવા માટે અને રજાઓ માણવા માટે આવતા હોય છે. ત્યારે આજ પસંદીતા સ્થળ પર એક હોટલ સંચાલકોએ 3 ગુજરાતી પર્યટકોને દોડાવી દોડાવીને માર્યા હોવાની ઘટના બની છે.
જેમાં મહેસાણા જિલ્લાના સતલાસણા ગામ ના ભવાનીસિંહ અને કુલદીપસિંહ સહિત ત્રણ મિત્રો એન્જોય કરવા માટે ગયા હતા તે દરમિયાન ગત મોડી રાત્રે જય અંબે હોટેલના સંચાલકો સાથે પાણી ની બોટલ અને જમવા બાબતે બોલાચાલી થઇ હતી.
બોલાચાલી દરમ્યાન ઉશ્કેરાઈ ગયેલા હોટલના સંચાલકોએ આ ત્રણેય પર્યટકો સાથે ગાળાગાળી અને મારપીટ શરૂ કરી હતી જોકે આ હોટલના સંચાલકો એટલા બેફામ અને ગુંડાગીરી પર ઊતરી આવ્યા હતા કે આ ત્રણેય પર્યટકોને દોડાવી દોડાવીને માર્યા હતા તેમના કપડાં પણ ફાડી નાખ્યા હતા
