બનાસકાંઠા : બસ ચાલકે કાબૂ ગુમાવતા બસ પલટી, 35 લોકો ઇજાગ્રસ્ત

બનાસકાંઠાનાં દાંતીવાડાનાં મોટી મહુડી પાસે મોડી રાતે લક્ઝરી બસ પલટી મારી ગઇ હતી. આ બસ ઝાલોરથી વડોદરા જતી હતી. જેમાં 35 મુસાફરોને નાની મોટી ઇજાઓ પહોંચી છે. ઇજાગ્રસ્તોને સારવાર માટે પાંથાવાડા, ડીસા તેમજ પાલનપુરની હોસ્પિટલમાં સારવાર માટે ખસેડવામાં આવ્યાં છે.

આ મામલે મળતી માહિતી પ્રમાણે બનાસકાંઠાનાં દાંતીવાડાનાં મોટી મહુડી પાસે મોડી રાતે આશરે 3 વાગ્યાની આસપાસ ઝાલોરથી વડોદરા જતી લક્ઝરી બસ અચાનક પલટી ખાઇ ગઇ હતી. ડ્રાઇવરે મોડી રાતે સ્ટિયરીંગ પરથી કાબુ ગુમાવતા આ અકસ્માત થયો હતો.

આ બસ અમદાવાદ તરફ જઇ રહી હતી.

સદનસીબે આ અકસ્માતમાં કોઇને ગંભીર ઇજાઓ થઇ નથી. બસમાં સવાર 35 લોકોને નાની મોટી ઇજા થઇ છે.

હાલ આ મામલે પોલીસે અકસ્માતે ગુનો નોંધીને વધુ તપાસ હાથ ધરવામાં આવી છે.