અરવલ્લીઃ 2 વર્ષનું બાળક ત્રીજા માળેથી પટકાયું, CCTV ફૂટેજ આવ્યા સામે

અરવલ્લી જિલ્લાના ધનસુરામાં બે વર્ષનું એક બાળક ત્રીજા માળેથી નીચે પટકાયું હતું. બાળક પટકાવાની આ ઘટના ફ્લેટ નીચે લાગેલા સીસીટીવી કેમેરામાં કેદ થઈ ગઈ છે. બાળકને સારવાર માટે હોસ્પિટલમાં ખસેડવામાં આવ્યું છે. (સ્ટોરી- હાર્દિક પટેલ, અરવલ્લી)

ઉમિયાનગર સોસાયટી ખાતે આ બનાવ બન્યો હતો. અહીં ત્રીજા માળેથી એક બાળક ફ્લેટના પગથીયા વચ્ચેની જગ્યાએથી નીચે બેઝમેન્ટમાં પટકાયું હતું. જોકે, બાળક નીચે પડેલી એક સાઇકલની સીટ પર પડતાં તેનો આબાદ બચાવ થયો હતો. બાળક પહેલા સાઇકલની સીટ સાથે અથડાયું હતું બાદમાં નીચે પડ્યું હોવાથી તેનો આબાદ બચાવી થયો છે.

બુધવારે બનેલી આ ઘટનાના સીસીટીવી ફૂટેજ સામે આવ્યા છે. બાળકને નીચે પડતું જોઈને ફ્લેટ નીચે હાજર લોકો દોડી આવ્યા હતા. નીચે પટકાવાના કારણે બાળકને માથા પર ઈજા પહોંચી હતી. બાળકને તત્કાલિક સારવાર માટે હોસ્પિટલમાં ખસેડવામાં આવ્યું હતું.

ત્રીજા માળેથી નીચે પટકાયેલા બાળકનું નામ નમ્ર પટેલ છે. બાળક ફ્લેટ ફ્લેટની બહાર રમતાં રમતાં પગથીયા વચ્ચેની જગ્યાએથી નીચે પટકાયું હતું. મળી રહેલી માહિતી પ્રમાણે બાળકને માથા સિવાય બીજી કોઈ ઈજા પહોંચી નથી.