Yasin Malik Love Story : અલગતાવાદી યાસીન મલિકની પત્ની એક સમયે ન્યૂડ પેઈન્ટિંગ્સ બનાવવા માટે હતી ફેમસ

Yasin Malik Love Story : જમ્મુ કાશ્મીર લિબરેશન ફ્રન્ટ (JKLF)ના વડા યાસીન મલિક (Yasin Malik) ને 19 મેના રોજ પટિયાલા હાઉસ કોર્ટના વિશેષ ન્યાયાધીશ પ્રવીણ સિંહે મલિકને દોષિત ઠેરવ્યો હતો. આજે તેની સજા પર સુનાવણી થવા જઈ રહી છે. મલિક પર આતંકવાદી સંગઠનોને મદદ કરવાનો આરોપ છે. દિલ્હીમાં નેશનલ ઈન્વેસ્ટિગેટિવ એજન્સી (NIA) હવે તેની પૂછપરછ કરશે. યાસીનની પત્ની (Yasin Malik wife) પાકિસ્તાન (Pakistan) ની છે. હવે તે કાશ્મીરના રાજકારણમાં સક્રિય થઈ ગઈ છે.

હવે જ્યારે યાસીનને સજા સંભળાવવામાં આવી રહી છે, ત્યારે તેની પત્નીએ તેને બચાવવાના ખુબ પ્રયાસ કર્યા. એવું કહેવામાં આવી રહ્યું છે કે તે ઘણા માધ્યમો દ્વારા તેના પતિ માટે સકારાત્મક વાતાવરણ બનાવવાનો પ્રયાસ કર્યો હતો.

ઉલ્લેખનીય છે કે, વર્ષ 2009માં યાસીન મલિકે મુશહાલા હુસૈન સાથે લગ્ન કર્યા હતા. મુશાહલા હુસૈન યાસીનના ભાષણોથી ખૂબ પ્રભાવિત હતી. એકવાર સંયોગથી બંને પાકિસ્તાનમાં હતા. ત્યારબાદ મુશહલા યાસીનને મળી હતી. તેણે યાસીન પાસે ઓટોગ્રાફ માંગ્યો. મુશહાલા કહે છે, "યાસીને જે રીતે ઓટોગ્રાફ આપ્યો તે મને ખૂબ ગમ્યો." આ પછી બંને પ્રેમમાં પડ્યા અને પછી લગ્ન કર્યા. ત્રણ વર્ષ બાદ બંનેને રઝિયા સુલતાન નામની એક પુત્રી હતી.

યાસીનની પત્ની મુશાહલા લગ્ન પહેલા એક જાણીતી ચિત્રકાર હતી. તેણે આ પ્રસિદ્ધિ ન્યૂડ પેઈન્ટિંગ્સ દ્વારા પ્રાપ્ત કરી હતી. તે પાકિસ્તાની મૂળની હોવા છતાં, તેણીનું શિક્ષણ ઇંગ્લેન્ડમાં થયું હતું.

મુશાહલા લંડન સ્કૂલ ઓફ ઈકોનોમિકસમાંથી ઈકોનોમિક્સમાં સ્નાતક છે. જ્યારે તેમના પિતા એમએ હુસૈન પાકિસ્તાનના પ્રખ્યાત અર્થશાસ્ત્રી છે. મુશાલાની માતા રાજકારણ સાથે સંબંધ ધરાવે છે. મુશાહલાની માતા રેહાના પાકિસ્તાન મુસ્લિમ લીગની મહિલા પાંખની પ્રમુખ છે.

એવું કહેવાય છે કે, યાસીનને મળવા મુશહલા કરાવવાનું કામ તેની માતાએ કર્યું હતું. હવે મુશાહલા કાશ્મીરમાં રાજકીય કાર્યક્રમોમાં ભાગ લે છે. જ્યારે તે તેના પરિવાર સાથે દિલ્હી આવી ત્યારે મુશહલા ભારતમાં ચર્ચાનો વિષય બની હતી, પરંતુ યાસીનની અલગતાવાદી વિચારસરણીને કારણે દિલ્હીની મોટાભાગની હોટેલોએ તેને રૂમ આપવાનો ઇનકાર કર્યો હતો.