વૈભવી જીવન છોડીને ISISની દુલ્હન બનેલી યુવતીની કહાણી, જિંદગીએ લીધો આ રીતે યુ-ટર્ન

ઓસ્ટ્રેલિયાની એક કોર્ટે શુક્રવારે ઈસ્લામિક સ્ટેટની દુલ્હન તરીકે જાણીતી મરિયમ રાડને શરતી જામીન આપ્યા છે. જણાવી દઈએ કે, મરિયમનો પતિ IAISમાં સામેલ હતો અને તે તેની સાથે રહેવા સીરિયા ગયો હતો.

મરિયમ ત્યાં લાંબા સમય સુધી રહી હતી. મરિયમની ઓસ્ટ્રેલિયન પોલીસે આતંકવાદી પ્રવૃત્તિઓમાં સામેલ હોવાના આરોપસર ધરપકડ કરી હતી. રાડને જામીન મળી ગયા છે, પરંતુ તેને વિસ્ફોટકો, હથિયારો, એન્ટી સર્વેલન્સ, આતંકવાદી હુમલા, સંગઠનો અને સશસ્ત્ર સંઘર્ષો સંબંધિત કોઈપણ પ્રવૃત્તિથી દૂર રહેવાની સૂચના આપવામાં આવી છે. આ ઉપરાંત, તે પરવાનગી વિના દેશ છોડી શકશે નહીં.

31 વર્ષની મરિયમ પોતાની મરજીથી તેના પતિ સાથે સીરિયા ગઈ હતી અને ત્યાં જતી વખતે તેને સ્પષ્ટપણે ખબર પડી કે, તેનો પતિ મુહમ્મદ ઝહાબ ISISનો સક્રિય સભ્ય છે. આ આરોપોને કારણે ગુરુવારે તેની ધરપકડ કરવામાં આવી હતી.

વર્ષ 2013-14માં સીરિયામાં આતંકવાદી જૂથ ઈસ્લામિક સ્ટેટ ઓફ ઈરાક એન્ડ સીરિયાના ઉદભવ બાદ ઉગ્રવાદીઓમાં નરમાઈ જોવા મળી હતી. તેમાં જોડાવા માટે ઘણા શિક્ષિત યુવાનો પણ સીરિયા ગયા હતા. તેથી જ મરિયમનો પતિ પણ ઓસ્ટ્રેલિયાથી ભાગી ગયો હતો.

ઓસ્ટ્રેલિયા પરત ફરતા પહેલા મરિયમ સીરિયામાં અલ રોઝ નામના શરણાર્થી કેમ્પમાં રહેતી હતી. માનવામાં આવે છે કે, તેના પતિનું 2018માં એરસ્ટ્રાઈકમાં મૃત્યુ થયું હતું. (Photo- Reuters)

મરિયમ ત્રણ મહિના પહેલા 16 અન્ય મહિલાઓ સાથે ઓસ્ટ્રેલિયા આવી હતી, ત્યાર બાદ પોલીસે NSW શહેરમાં યંગના તેના ઘરે દરોડા પાડીને તેની ધરપકડ કરી હતી.