PICS : રાહુલ જ્યાંથી ચૂંટણી લડશે તે વાયનાડ છે,સુંદર હનીમૂન ડેસ્ટિનેશન

કોંગ્રેસ અધ્યક્ષ રાહુલ ઉત્તર પ્રદેશના અમેઠી ઉપરાંત કેરળની વાયનાડ બેઠક પરથી પણ ચૂંટણી લડશે, તેમણે ગુરૂવારે આ બેઠક માટે ફોર્મ પણ ભરી દીધું હતું. ફક્ત રાહુલ ગાંધી જ નહીં પરંતુ તેમના પિતા રાજીવ અને માતા ઇન્દિરાનો પણ આ બેઠક સાથે ભાવનાત્મક સંબંધ રહ્યો છે. આવો જાણીએ વાયનાડ બેઠક વિશે

વાયનાડ કેરળની સુંદર જગ્યાઓમાંનું એક છે. આ સ્થળ ટ્રાવેલ અને હનીમૂન ડેસ્ટિનેશન છે. આ કેરળના ટોપ-5 ડેસ્ટિનેશનમાનું એક છે.

હકીકતે વાયનાડની રાજકીય કરતાં વધારે પર્યટન સ્થળ તરીકેની ઓળક છે. જો તમે ગૂગલમાં વાયનાડ વિશે સર્ચ કરશો તો તમને તેના સુંદર નજારાઓ જ જોવા મળશે.

વાયનડની ગ્રીનરી, જંગલ, વાઇલ્ડ લાઇફ માટે જાણીતું છે. ત્યાં ચેમ્બરા પીક સુધી ટ્રેકિંગ, એડક્કલની ગુફાઓ, નિયોલિધિક અને મેસોલિધિક યુગના નક્શીકામો છે, જે અદભૂત છે.

ગ્રીનરી ઉપરાંત વાયનાડ મસાલા, જાત જાતના તેલ, ચૉકલેટ, નારિયળ ફાઇબર અને હસ્તકળા માટે પણ ખૂબ જ જાણીતું છે.

કેરળ ટૂરિઝમ મુજબ, ચેમ્બરા પીક 21,00 મીટરની ઉંચાી પર છે, જ્યાંથી સમગ્ર વાયનાડ જોવા મળે છે. ચેમ્બરા પીકની ટોચથી સમગ્ર વાયનાડનું દુર્લભ દૃશ્ય જોવા મળે છે.

વાયનાડની દક્ષિણ પૂર્વે મીનમુટ્ટી ધોધ આવેલો છે જે ખૂબ જ જાણીતો છે.

આ ઉપરાંત વાયનાડમાં ચેતલયમ પક્ષીપાતાલમ, બ્રહ્મગિરીની ગિરિમાળા, અને બાણાસુરા સાગર બાંધ જોવા લાયક છે.

વાયનાડમાં ચા-કોફી, મસાલા, મધ, જડીબુટ્ટી, વગેરેની ખેતી થાય છે. અહીંયા પહોંચવા માટે નજીકનું રેલવે સ્ટેશન કોઝિકો (કાલીકટ) છે, જે વાયનાડથી 62 કિલોમીટર દૂર છે, જ્યારે નજીકનું એરપોર્ટ પણ કોઝિકોડ જ છે જે વાયનાડથી 65 કિલોમીટર દૂર છે.

વાયનાડ સીટ હાલમાં પણ કોંગ્રેસ પાસે જ છે. અહીંયાના સાંસદ એમઆઈ શનવાસ છે. તેમણે પાછલી ચૂંટણીમાં કોમ્યુનિસ્ટ પાર્ટી ઑફ ઇન્ડિયાના ઉમેદવાર સત્યેન મોકરી સામે જીત મેળવી હતી.

વાયનાડ સીટ વર્ષ 2009માં પરીમસીનથી અલગ થઈ હતી. ત્યારથી અત્યાર સુધી આ બેઠક પરથી કોંગ્રેસના ઉમેદવાર શનવાસ જ જીતી રહ્યાં છે.