ચેતવણી : આગામી 48 કલાકમાં આ બે રાજ્યમાં પડી શકે છે ભારે વરસાદ

હવામાન વિભાગના જણાવ્યા પ્રમાણે હિન્દ મહાસાગર અને બંગાળની ખાડીમાં હવાનું ઓછું દબાણ ઉભું થવાને કારણે દક્ષિણના રાજ્યોમાં વરસાદ અને તોફાન આવી શકે છે.

ગુરુવારે હિન્દ મહાસાગર અને તેની બાજુમાં આવેલી બંગાળની ખાડીના દક્ષિણ-પશ્ચિમ ભાગમાં ઓછું દબાણ વિકસિત થવાની સંભાવના છે.

હવામાન વિભાગે ગુરુવારે ભારતના દક્ષિણ રાજ્ય તામિલનાડુ અને પુડ્ડુચેરીમાં ભારે વરસાદની ચેતવણી જાહેર કરી છે.

હવામાન વિભાગે આગામી દિવસોમાં ઉત્તર ભારતના મેદાની વિસ્તારોમાં પણ આંધી-તોફાન સાથે હળવા વરસાદની સંભાવના વ્યક્ત કરી છે.

હવામાન વિભાગનું કહેવું છે કે તામિલનાડુ અને પુડ્ડુચેરીમાં દબાણ વધવાથી જો અહીં તોફાન આવે છે તો તેને 'ફાની' નામ આપવામાં આવશે.