અફઘાનિસ્તાનમાં મહિલાઓ હવે એકલી વિમાન મુસાફરી નહીં કરી શકે! તાલિબાને બનાવ્યો નવો નિયમ

કાબુલના આંતરરાષ્ટ્રીય એરપોર્ટ પર ડોમેસ્ટિક અને ઈન્ટરનેશનલ (Kabul International Airport) ફ્લાઈટમાં બેસવા માટે પહોંચેલી ડઝનેક મહિલાઓને કહેવામાં આવ્યું હતું કે તેઓ પુરૂષ વાલી વિના મુસાફરી કરી શકશે નહીં.

એક અધિકારીએ જણાવ્યું કે કેટલીક મહિલાઓ પાસે બેવડી નાગરિકતા છે અને તેઓ અન્ય દેશોમાંથી પોતાના ઘરે પરત ફરી રહી છે. તેમાંથી કેટલાક કેનેડાના હતા. ઈસ્લામાબાદ, દુબઈ અને તુર્કી જતી કામા એર અને સરકારી માલિકીની એરિયાના એરલાઈન્સની ફ્લાઈટમાં મહિલાઓને બેસવાની મંજૂરી નહોતી.

તેણે જણાવ્યું કે તાલિબાન નેતૃત્વ તરફથી આ આદેશ મળ્યો છે. શનિવાર સુધીમાં, એકલી મુસાફરી કરતી કેટલીક મહિલાઓને પશ્ચિમ હેરાત પ્રાંતની એરિયાના એરલાઇનની ફ્લાઇટમાં બેસવાની મંજૂરી આપવામાં આવી હતી, અધિકારીએ જણાવ્યું હતું. જો કે, આપેલી સમય મર્યાદામાં, તે ફ્લાઇટમાં બોર્ડિંગ કરવાનું ચૂકી ગઈ.

એરપોર્ટના વડા અને પોલીસ વડા બંને તાલિબાનના છે અને ઇસ્લામિક ધર્મગુરુઓ છે. બંનેએ શનિવારે એરલાઇનના અધિકારીઓ સાથે બેઠક યોજી હતી. તમને જણાવી દઈએ કે તાલિબાને મહિનાઓ પહેલા એક આદેશ જાહેર કરીને મહિલાઓ માટે 72 કિમીથી વધુની મુસાફરી માટે તેમની સાથે પુરૂષ ગાર્ડિયન હોવું ફરજિયાત બનાવ્યું હતું.

આ સિવાય તાલિબાને કાબુલ શહેરમાં મહિલાઓ અને પુરુષો માટે પાર્કમાં ફરવા માટેના દિવસો પણ નક્કી કર્યા છે.

દરમિયાન, અફઘાનિસ્તાનની રાજધાનીમાં ડઝનેક છોકરીઓએ શાળામાં જવાના અધિકારની માંગ સાથે પ્રદર્શન કર્યું.