ભારતે લદાખમાં તૈનાત કરી T-90 અને T-72 ટેન્ક, માઇનસ 40 ડિગ્રીમાં પણ દુશ્મનોને ભણાવશે પાઠ

નવી દિલ્હીઃ ભારત અને ચીનની વચ્ચે પૂર્વ લદાખ (East Ladakh)માં ગત અનેક મહિનાઓથી તણાવ (India China Faceoff)ની સ્થિતિ ઊભી થયેલી છે. બંને દેશોની વચ્ચે ઊભી થયેલી યુદ્ધ જેવી સ્થિતિને શાંત કરવા માટે અનેકવાર સૈન્ય કમાન્ડર સ્તરની બેઠક પણ થઈ છે પરંતુ ચીન નિયંત્રણ રેખાથી પોતાના પગલાં પાછા હટાવવા માટે તૈયાર નથી દેખાતી. ચીન (China)ના આ વલણને જોતાં ભારત (India)એ સરહદ (Border Dispute) પર પોતાની પોઝિશન મજૂબત કરવાનું શરૂ કરી દીધું છે. રવિવારે ભારતીય સેનાએ લેહથી 200 કિલોમીટર દૂર લદાખના ચૂમાર ડેમચોક વિસ્તારમાં ટેન્ક અને અન્ય વાહનો તૈનાત કર્યા છે. (તસવીર-ANI)

ભારતીય સેના (Indian Army) તરફથી LAC પર ચુમાર-ડેમચોક વિસ્તારમાં બીએમપી-2 ઇન્ફેટ્રી કોમ્બેટ વ્હીકલ્સની સાથે ટી-90 અને ટી-72 ટેન્કોની તૈનાતી કરવામાં આવી છે. આ ટેન્કની ખાસ વાત એ છે કે તે પૂર્વ લદાખમાં માઇનસ 40ડિગ્રી સેલ્સિયસ સુધીના તાપમાનમાં અચૂક રીતે દુશ્મન પર હુમલો કરી શકે છે. (તસવીર-ANI)

વાસ્તવિક નિયંત્રણ રેખા પર ટી-90 અને ટી-72 ટેન્કોની તૈનાતી પર વાત કરતાં 14 કોર્પ્સના ચીફ ઓફ સ્ટાફના મેજર જનરલ અરવિંદ કપૂર (Maj Gen Arvind Kapoor, Chief of Staff,14 Corps)એ જણાવ્યું કે, ફાયર એન્ડ ફ્યૂરી ભારતીય સેનાનું એકમાત્ર ગઠન છે. (તસવીર-ANI)

મેજર જનરલ અરવિંદ કપૂરે વધુમાં જણાવ્યું કે, દુનિયાભરના દેશોના આવા કઠોર વિસ્તારોમાં મિકેનિકલ ફોર્સને તૈનાત કરવામાં આવે છે. ટેન્ક, ઇન્ફ્રેટી કોમ્બેટના ફાઇટર વાહનો અને ભારે બંદૂકોની આ વિસ્તારમાં સારસંભાળ લેવી પણ એક મોટો પડકાર છે. (તસવીર-ANI)

ચીનની સાથે ચાલી રહેલા તણાવ વિશે જણાવતાં મેજર અરવિંદ કપૂરે કહ્યું કે ચાલક દળ અને ઉપકરણની તત્પરતા સુનિશ્ચિત કરવા માટે જવાન અને મશીન બંને માટે પર્યાપ્ત વ્યવસ્થા કરવામાં આવી છે. (તસવીર-ANI)

ટી-90 ભીષ્મ ટેન્કમાં 3 પ્રકારના ઇંધણ ભરવામાં આવે છે - પૂર્વ લદાખના ચુમાર-ડેમચોક વિસ્તારમાં વાસ્તવિક નિયંત્રણ રેખાની પાસે ભારતીય સેનાની ટી-90 ટેન્ક તૈનાત કરવામાં આવી છે. આવનારા સમયમાં અહીંનું તાપમાન માઇનસમાં જતું રહે છે. એવામાં આ ટ્રેન્કમાં ત્રણ પ્રકારના ઈંચણનો ઉપયોગ કરવામાં આવે છે જેથી શિયાળામાં તે જામ ન થઈ જાય. (તસવીર-ANI)

T-90ને દુનિયાની સૌથી અચૂક ટેન્ક માનવામાં આવે છે. T-90 ટેન્ક શરૂઆતમાં રશિયાથી જ બનીને આવી હતીફ. બાદમાં તેને ઉન્નત રીતે તૈયાર કરવામાં આવી છે. (તસવીર-ANI)

હિંસક ઘર્ષણ બાદથી બંને દેશો વચ્ચે તણાવ વધ્યો - ભારત-ચીનની વચ્ચે એપ્રિલ-મે મહિનાથી જ સંબંધ તણાવપૂર્ણ છે પરંતુ 15 જૂનની રાત્રે LAC પર ગલવાન ઘાટીમાં બંને દેશોના સૈનિકોની વચ્ચે હિંસક ઘર્ષણથી તણાવ અનેકગણો વધી ગયો છે. (તસવીર-ANI)